The news is by your side.

Advertisement

کابل، طالبان کمانڈر ملا عبد السلام ڈرون حملے میں ہلاک

کابل : امریکی ڈرون حملے میں طالبان کمانڈر ملا عبدالسلام اخوند سمیت 7 طالبان ہلاک ہوگئے ہیں۔

تفصیلات کے مطابق کابل میں امریکی ڈرون حملے کے نتیجے میں 7 اہم طالبان کمانڈر ہلاک ہو گئے ہیں جن میں مشہور کمانڈر ملا عبد السلام اخوند بھی شامل ہیں تاہم بقیہ 7 کمانڈرز کی شناخت نہیں ہو سکی ہے۔

امریکی فوج کے ترجمان نے اپنے ایک بیان میں خبر کی تصدیق کرتے ہوئے کہا ہے کہ امریکی فوج نے کابل میں ایک کارروائی کے دوران ڈرون حملے کے ذریعے معروف طالبان کمانڈر عبد السلام اخوند سمیت 7 طالبان کو ہلاک کردیا ہے۔

طالبان کے ترجمان ذبیح اللہ مجاہد نے کمانڈر ملا عبدالسلام اخوندکی موت کی تصدیق کرتے ہوئے کہا کہ کمانڈر ملا عبدالسلام اخوند قندوز میں امریکی افواج کے فضائی حملے میں جاں بحق ہو گئے ہیں۔

واضح رہے گزشتہ چند روز سے جاری امریکی فوج کے آپریشن میں متعدد طالبان جنگو ہلاک اور درجن سے زائد گرفتار ہو چکے ہیں تاہم ملا عبد السلام اخوند کی ہلاکت کو اب تک کی سب بڑی کامیابی قرار دیا جا رہا ہے۔

Print Friendly, PDF & Email

Comments

comments

یہ بھی پڑھیں