لاہور:ملتان سلطانز نے دفاعی چیمپئن لاہور قلندرز کو کوالیفائر میچ میں شکست دیتے ہوئے پی ایس ایل 8 کے فائنل میں جگہ بنالی ہے۔
تفصیلات کے مطابق قذافی اسٹیڈیم لاہور میں کھیلے گئے کوالیفائر میچ میں ملتان سلطانز نے لاہورقلندرزکو84رنزسےشکست دیتے ہوئے مسلسل تیسری بار پی ایس ایل کے فائنل میں جگہ بنائی۔
دفاعی چیمپئن 161 رنز کے جواب میں محض 76 رنز پر ڈھیر ہوگئی، لاہورقلندرزکےآٹھ بلےبازڈبل فیگرمیں بھی نہ داخل ہوسکے، سیم بلنگز19،حارث رؤف15رنزبناسکے۔
ملتان سلطانز کی جانب سے شیلڈون کوٹریل نےتین کھلاڑیوں کوآؤٹ کرتے ہوئے اپنی سیلکشن کو درست ثابت کیا، اسامہ میر نے 2 جبکہ انور علی، عباس آفریدی، احسان اللہ اور کیرون پولارڈ نے ایک ایک کھلاڑیوں کو آؤٹ کیا۔
It’s a big win for the #SultanSquad and we are in the final of #HBLPSL8 #LQvMS #LetsPlaySaeen pic.twitter.com/LKScLsajbu
— Multan Sultans (@MultanSultans) March 15, 2023
اس سے قبل کیرون پولارڈ کی ذمے دارانہ اننگز کی بدولت ملتان سلطانز نے قلندرز کو جیت کے لئے 161 رنز کا ہدف دیا تھا۔
ملتان سلطانز نے مقررہ 20 اوورز میں 5 وکٹوں کے نقصان پر 160 رنز بنائے، کیرون پولارڈ نے 34 گیندوں پر 57 رنز کی دلکش اننگز کھیل کر اپنی ٹیم کے مجموعے کو قابل قدر بنایا۔
Another impactful spell by @iamusamamir for the #SultanSquad today! #LQvMS #LetsPlaySaeen pic.twitter.com/miGHbZ9nVo
— Multan Sultans (@MultanSultans) March 15, 2023
پولارڈ کی اننگز میں 6 بلند وبالا چھکے بھی شامل تھے، کپتان محمد رضوان 33، عثمان خان 29 بناکر نمایاں رہے۔
لاہور قلندرز کی جانب سے حارث رؤف نے شاندار بولنگ کا مظاہرہ کرتے ہوئے تین کھلاڑیوں کو آؤٹ کیا، زمان خان اور راشد خان کے حصے میں ایک ایک وکٹ آئی۔
میچ کے آغاز پر گفتگو کرتے ہوئے کپتان ملتان سلطانز محمد رضوان کا کہنا تھا کہ کوشش کرینگے کہ اچھی کرکٹ کھیلیں اور بڑا اسکور بنائیں۔
At the end of the powerplay the #SultanSquad have taken 4 wickets for 33 runs.#LQvMS #LetsPlaySaeen pic.twitter.com/W29u80akiJ
— Multan Sultans (@MultanSultans) March 15, 2023
دفاعی چیمپئن لاہور قلندرز کے کپتان شاہین آفریدی کا کہنا تھا کہ اگر میں ٹاس جیت جاتا تو پہلے فیلڈنگ ہی کرتا۔
— Lahore Qalandars (@lahoreqalandars) March 15, 2023
لاہور قلندرز نے اہم ترین میچ کے لئے اپنے اسکواڈ کو برقرار رکھا جبکہ ملتان سلطانز نے ٹیم میں ایک تبدیلی کی گئی ، اظہارالحق نوید کی جگہ شیلڈون کوٹریل ٹیم میں شامل کیا گیا ۔
The #SultanSquad win the toss and choose to bat first!#LetsPlaySaeen pic.twitter.com/IULvKRNHbL
— Multan Sultans (@MultanSultans) March 15, 2023
آج کی فاتح ٹیم فائنل کا ٹکٹ کٹائے گی جب کہ ہارنے والی ٹیم کو فائنل میں جانے کے لیے ایلیمینیٹر 2 میں ایک اور موقع ملے گا۔
ایونٹ کے تمام میچز اے اسپورٹس پر براہ راست دکھائے جا رہے ہیں۔
لاہور قلندرز اسکواڈ
فخر زمان، مرزا طاہر بیگ، عبداللہ شفیق، سیم بلنگ، حسین طلعت، سکندر رضا، ڈیوڈ ویزے، راشد خان، شاہین آفریدی، حارث رؤف اور زمان خان
ملتان سلطانز اسکواڈ
عثمان خان، محمد رضوان، ریلی روسو، ٹم ڈیوڈ، کیرون پولارڈ، خوشدل شاہ، انور علی، اسامہ میر،عباس آفریدی ،شیلڈون کوٹریل اور احسان اللہ