The news is by your side.

Advertisement

کروناکے باعث رکن پنجاب اسمبلی منیرہ یامین ستی انتقال کرگئیں

لاہور: پاکستان میں کرونا وبا کی دوسری لہر شدت کے ساتھ جاری ہے، عالمی وبا کے باعث رکن پنجاب اسمبلی انتقال کر گئیں۔

تفصیلات کے مطابق نون لیگ سے تعلق رکھنے والی رکن پنجاب اسمبلی منیرہ یامین ستی کرونا کے باعث دو ہفتے سے شدید علیل تھیں، جس کے باعث انہیں وینٹی لیٹر پر رکھا گیا تھا تاہم آج وہ خالق حقیقی سے جاملیں۔

وزیراعلیٰ پنجاب سردار عثمان بزدار نے رکن پنجاب اسمبلی منیرہ یامین کے انتقال پر اظہار افسوس کیا ہے، لواحقین کے نام اپنے تعزیتی پیغام میں وزیراعلیٰ پنجاب نے سوگوار خاندان سے دلی ہمدردی و اظہار تعزیت کرتے ہوئے کہا کہ اللہ تعالیٰ غمزدہ خاندان کو صبر جمیل عطا فرمائے۔

منیرہ یامین ستی پاکستان مسلم لیگ (ن) کی جانب سے 2018 کے عام انتخابات میں خواتین کی مخصوص نشست پر پنجاب کی صوبائی اسمبلی کی رکن منتخب ہوئیں تھیں، آپ پنجاب وومن ڈیویلپمنٹ کی رکن بھی تھیں۔دوسری جانب پاکستان میں کورونا وائرس کے باعث مزید50 افراد جان کی بازی ہار گئے ، جس کے بعد اموات کی تعداد 10ہزار511 ہوگئی ہے۔

نیشنل کمانڈ اینڈ کنٹرول سینٹر کے مطابق گذشتہ 24 گھنٹوں میں کورونا کے 2ہزار482نئے کیسز رپورٹ ہوئے ، جس سے کورونا کے فعال کیسز کی تعداد34ہزار49 اور متاثرہ افراد کی مجموعی تعداد 4لاکھ 92ہزار 59 تک جا پہنچی ہے۔

یہ بھی پڑھیں:  وزیراعلیٰ پنجاب نے کورونا کو شکست دیدی

اعداد و شمار کے مطابق سندھ میں کورونا کیسز کی تعداد 2 لاکھ 21 ہزار734، پنجاب میں ایک لاکھ 42 ہزار835، ، خیبر پختونخوا میں 60 ہزار229، بلوچستان میں 18 ہزار300، اسلام آباد میں 38 ہزار687 جبکہ آزاد کشمیر 8 ہزار416 اور گلگت بلتستان میں 4 ہزار 874 افراد کورونا کیسز سامنے آچکے ہیں۔

خیال رہے برطانیہ سے پھیلنے والی کرونا کی بی 117 نامی نئی قسم کی پاکستان میں بھی دو افراد میں تشخیص ہوچکی ہے، برطانیہ سے آئے دو افراد میں نئے وائرس کی تصدیق کی گئی تھی۔

این سی او سی کا کہنا تھا کہ برطانیہ میں نئے وائرس کی تصدیق گزشتہ ماہ ہوئی تھی، برطانیہ میں آنے والا نیا وائرس دیگر 31 ممالک میں بھی پایا گیا۔

Comments

یہ بھی پڑھیں