برلن : جرمنی میں نامعلوم شخص نے فائرنگ کرکے خاتون پولیس اہلکار کو ہلاک اور متعدد افراد کو زخمی کردیا۔
تفصیلات کےمطابق واقعہ میونخ ریلوے اسٹیشن پر پیش آیا جب ایک مسافر نے خاتون پولیس اہلکار سے پستول چھین کر اس کے سر پر گولی مار کر اسے قتل کردیا۔
جرمن پولیس حکام کا کہناہےکہ پولیس اہلکار کو ہلاک کرنے کے بعد حملہ آور فائرنگ کرتا ہوا فرار ہوگیا جس کے نتیجے میں مزید 4 افراد زخمی ہوگئے۔
سیکورٹی اہلکاروں نے پورے علاقے کو گھیرے میں لینے کے بعد حملہ آور کو گرفتار کرلیا۔ اس دوران ریلوے اسٹیشن آنے جانے والی ٹرینوں کو بھی روک دیا گیا۔
پیرس میں فائرنگ‘پولیس اہلکار ہلاک
یاد رہےکہ گزشتہ ماہ فرانس کے دارالحکومت پیرس میں حملہ آورکی فائرنگ سے پولیس کا ایک اہلکار ہلاک جبکہ دو زخمی ہوگئےتھے۔
میونخ : شاپنگ سینٹرمیں فائرنگ،9 افراد ہلاک
واضح رہےکہ گزشتہ سال جولائی میں جرمنی کے شہر میونخ کے ایک شاپنگ سینٹر فائرنگ کے واقعے میں حملہ آور سمیت 9 افراد ہلاک جبکہ متعدد زخمی ہوگئےتھے، حملہ آور18 سالہ ایران نژاد جرمن نوجوان تھا۔
