22.2 C
Ashburn
پیر, مئی 20, 2024
اشتہار

کراچی ضمنی انتخابات : 11 میں سے 7 یوسیز کے غیرحتمی نتائج

اشتہار

حیرت انگیز

کراچی کی 11 یوسیز میں سے 7 یوسیز کے غیر سرکاری غیر حتمی مکمل نتائج آگئے، پانچ یوسیز پر پاکستان پیپلز پارٹی کے امیدوار جبکہ دو میں سے ایک جماعت اسلامی اور ایک پر پی ٹی آئی امیدوار  نے کامیابی حاصل کی۔

غیر سرکاری غیر حتمی نتیجہ کے مطابق کراچی کے ضلع جنوبی یو سی2بہارکالونی میں پیپلز پارٹی کے امیدوار عبدالقادر 3243ووٹ لے کر کامیاب قرار پائے۔

کراچی کے حلقے کورنگی کی یوسی نمبرٹو میں پیپلزپارٹی کے محمد اسرار خان 2647 ووٹ لے کر کامیاب ہوگئے۔

- Advertisement -

ضلع کیماڑی کی یو سی ٹو بلدیہ ٹاؤن میں پیپلز پارٹی کے امیدوار عارف تنولی 3009 ووٹ لے کر کامیاب قرار پائے ہیں۔

اس کے علاوہ غیر سرکاری غیر حتمی نتیجہ کے مطابق یو سی 8 مومن آباد ضلع غربی میں پیپلز پارٹی کے ارشد خان 2805 ووٹ لیکر کامیاب ہوگئے۔

کراچی کے ضلع وسطی یوسی 13 نیو کراچی کے غیر سرکاری غیر حتمی نتیجے کے مطابق پیپلزپارٹی کے امیدوار شاہ زیب مرتضیٰ 5558ووٹ لے کر کامیاب جبکہ جماعت اسلامی کے امیدوار 1253 ووٹ لے کر دوسرے نمبر پر رہے۔

کراچی کے ضلع اورنگی یونین کونسل ون کا غیرسرکاری غیر حتمی مکمل نتیجے کے مطابق پی ٹی آئی امیدوار شکیل احمد 2925ووٹ لیکر کامیاب جبکہ جماعت اسلامی کے خالد زمان 2658ووٹ لیکر دوسرے نمبر پر رہے۔

کراچی کے ضلع وسطی نارتھ ناظم آباد یونین کونسل 6کا غیر حتمی مکمل نتیجے میں جماعت اسلامی کے امیدوار فیصل ندیم 4055ووٹ لے کر کامیاب قرار پائے جبکہ پیپلز پارٹی کے عابد شاہد 1169ووٹ لے کر دوسرے نمبر پر رہے۔

واضح رہے کہ کراچی میں 449 پولنگ اسٹیشنز میں سے 292 انتہائی حساس اور 157 حساس قرار دیئے گئے تھے، تمام انتہائی حساس پولنگ اسٹیشنز پر سیکیورٹی وجوہات کی بنا پر سی سی ٹی وی کیمرے نصب کیے گئے۔ انتخابات میں پیپلزپارٹی، جماعت اسلامی، ٹی ایل پی اور پی ٹی آئی کے 434 امیدوار مدمقابل تھے۔

پولنگ کاعمل صبح 8بجے سے شام5بجے تک بلاتعطل جاری رہا، پولنگ کے دوران کچھ مقامات پر ناخوشگوار صورتحال پیش آئی جس پر پولیس اور مقامی سیاسی رہنماؤں نے مداخلت کرکے قابو پالیا۔

سندھ بھر کے24 اضلاع کے غیرحتمی غیر سرکاری نتائج

الیکشن کمیشن آف پاکستان کی طرف سے جارہ کردہ بیان کے مطابق سندھ کے 24 اضلاع میں ضمنی بلدیاتی انتخابات میں پولنگ مقررہ وقت پر شروع ہوئی اور پرامن ماحول میں ووٹنگ کا عمل مکمل ہوا۔

سندھ بھر کے24 اضلاع میں غیرحتمی غیر سرکاری نتائج کے مطابق 64نشستوں میں سے18پر پیپلزپارٹی کامیاب جبکہ پی ٹی آئی 2، جماعت اسلامی ایک نشست پر کامیاب رہی، آزاد امیدوار 5نشستوں پر کامیاب ہوئے۔

حیدرآباد کی یوسی 17نیورون کوٹ کے تمام پولنگ اسٹیشنز کے مکمل غیر حتمی نتائج کے مطابق
یوسی چیئرمین کی نشست پر آزاد امیدوار ملک اسلم 1258ووٹ لے کر کامیاب جبکہ پیپلزپارٹی کے امیدوار ملک عثمان اور دلدار مگسی 1224ووٹ لیکر ہار گئے۔

حیدرآباد کی یوسی 118 کے تمام پولنگ اسٹیشنز کے غیرسرکاری غیرحتمی نتائج میں پی ٹی آئی امیدوار آرزو فیصل 744ووٹ لے کر کامیاب قرار پائے۔

حسین آباد یونین کمیٹی 137کے چار پولنگ اسٹیشن کے غیر حتمی نتیجے میں پیپلزپارٹی کے امیدوار میرذوالفقار تالپور1195ووٹ لیکر کامیاب جبکہ پی ٹی آئی کے سیف الرحمان 523ووٹ حاصل کرسکے۔

دادو کے غیر حتمی نتائج

دادوضلع کی2 یونین کونسلز اور میونسپل کمیٹی وارڈ 20کے مکمل غیر حتمی نتائج کے مطابق دو یونین کونسل میں ایک پر پی پی اور ایک پر پی ٹی آئی امیدوار کامیاب قرار پائے۔

یونین کونسل بٹڑا کے مکمل غیر حتمی و غیر سرکاری نتائج میں پیپلزپارٹی کے چیئرمین کے امیدوار شاہد تھیبو 2808ووٹ لے کر کامیاب جبکہ پی ٹی آئی کے چیئرمین کے امیدوار شوکت علی 2356ووٹ لے کر دوسرے نمبر پر رہے۔

دادو کی یونین کونسل پٹ گل محمد کے مکمل غیر حتمی غیر سرکاری نتائج کے مطابق پی ٹی آئی امیدوار شاہد خان لغاری 1762ووٹ لیکر کامیاب ہوگئے، پیپلزپارٹی کے اسلم خان لغاری 1614 ووٹ حاصل کرسکے۔

میونسپل کمیٹی دادو وارڈ 20کے مکمل غیرحتمی غیرسرکاری نتائج میں پیپلزپارٹی کے امیدوار محمد اقبال سولنگی 417 ووٹ لے کر کامیاب ہوگئے اور پی ٹی آئی کی امیدوار بشیراں سولنگی 138 ووٹ لے کر دوسرے نمبر پر رہے۔

سکھر اور خیرپور کے غیر حتمی نتائج

غیرحتمی و غیرسرکاری نتائج کے مطابق ضلع سکھرکی پیپلزپارٹی نے یوسی چیئرمین شپ جیت لی، پیپلزپارٹی کے امیدوار شفقت بھٹو 2975 ووٹ لے کرکامیاب جبکہ جے یوآئی کے امیدوار صدیق کلہوڑو 2322 ووٹ لے کر دوسرے نمبرپر رہے۔

خیرپور میں صوبھو دیرو کی یوسی میرک کے وارڈ 3 کےغیرحتمی نتائج کے مطابق جی ڈی اے امیدوارسعید احمد بھٹی 433 ووٹ لیکرکامیاب،پیپلزپارٹی کے امیدوار 351 ووٹ لیکر دوسرے نمبر پر رہے۔

خیرپورمیں ٹاؤن کمیٹی ببرلوء کے وارڈ نمبر 4 کے غیرحتمی اور غیر سرکاری نتائج کے مطابق پیپلزپارٹی کے سید محمد شاہ 859 ووٹ لے کر کامیاب جبکہ آزاد امیدوار پیر ذیشان حیدر 66 ووٹ کے کر دوسرے نمبر پر رہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں