اے آر وائی ڈیجیٹل کے نئے ڈرامہ سیریل ’مقدر کا ستارہ‘ کا پہلا ٹیزر ریلیز ہوتے ہی مقبول ہوگیا۔
آئی ڈریم انٹرٹینمنٹ اور اے آر وائی ڈیجیٹل کی مشترکہ پیشکش ڈرامہ سیریل ’مقدر کا ستارہ‘ کی کاسٹ میں آریز احمد (فیضان)، فاطمہ آفندی (ہادیہ)، بابر علی (صفدر، آریز کے والد)، نادیہ حسین ودیگر شامل ہیں۔
ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔ ’مقدر کا ستارہ‘ کی پہلی قسط جلد اے آر وائی ڈیجیٹل پر نشر کی جائے گی۔
View this post on Instagram
گزشتہ دنوں ٹیزر ریلیز کیا گیا جسے دیکھ کر اندازہ ہوتا ہے کہ ’آریز احمد پوش گھرانے سے تعلق رکھتے ہیں اور انہیں سدھارنے کے لیے گھر والے رشتہ لے کر فاطمہ آفندی (ہادیہ) کے گھر جاتے ہیں۔‘
ٹیزر کے شروع میں نادیہ حسین کہتی ہیں کہ ’بھائی صاحب آپ نے ہمارا دل خوش کردیا، رشتہ پکا ہونے پر آریز، بابر علی ودیگر ایک دوسرے کو مبارک باد دے رہے ہوتے ہیں۔
نادیہ حسین کہتی ہیں کہ ’ہماری بہو (ہادیہ) کو تو بلائیے، وہ چائے لے کر آتی ہیں آریز کی نظر ان پر پڑتی ہے لیکن وہ باتیں سن کر بے دلی سے مسکراتے ہیں۔
’بابر علی کہتے ہیں کہ ہمارا بیٹا (فیضان) تھوڑا بگڑا ہوا ضرور ہے لیکن مجھے امید ہے کہ شادی کے بعد اسے تم بالکل سیدھا کردو گی۔‘ اسی اثنا ہادیہ کے والد کہتے ہیں کہ ’صفدر میاں شادی کے بعد تو سبھی سیدھے ہوجاتے ہیں۔‘
آخر میں دیکھا جاسکتا ہے کہ ’ہادیہ اس رشتے سے خوش نہیں ہیں اور وہ کہتی ہیں کہ ’ہمارے ہاں کتنی عجیب سی سوچ ہے، بگڑے بیٹوں کو سدھارنے کے لیے ان کی شادی کروادو۔
ڈرامے کے ٹیزر کا تین روز میں ہزاروں ویوز حاصل ہوچکے ہیں اور مداح ڈرامے کی کہانی اور کرداروں کو پسند کررہے ہیں۔
