The news is by your side.

’مجھ سے اتنا پیار کیوں کرتی ہو‘

اے آر وائی ڈیجیٹل کے ڈرامہ سیریل ’مقدر کا ستارہ‘ میں کیا فیضی اہلیہ ہادیہ سے محبت کرنے لگیں گے؟

آئی ڈریم انٹرٹینمنٹ اور اے آر وائی ڈیجیٹل کی مشترکہ پیشکش ڈرامہ سیریل ’مقدر کا ستارہ‘ کی کاسٹ میں آریز احمد (فیضان)، فاطمہ آفندی (ہادیہ)، عنایت خان، بابر علی (صفدر، فیضان کے والد)، نادیہ حسین (فیضان کی والدہ)، رمہا احمد (نتاشا)، لائبہ خان (ہادیہ کی بہن) تانیہ حسین (رمشا)، سلمی حسن ودیگر شامل ہیں۔

ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔

’مقدر کا ستارہ‘ کی کہانی پوش گھرانے سے تعلق رکھنے والے فیضان کے اور متوسط طبقے کی لڑکی ہادیہ کے گرد گھومتی ہے، فیضان (بگڑے بیٹے) کو سدھارنے کے لیے گھر والے قریبی دوست کے بیٹے سے شادی کردیتے ہیں اس کے بعد سسرال میں‌ ہادیہ کا امتحان شروع ہوتا ہے جو اب تک جاری ہے اور فیضی، دوست رمشا کے ساتھ مل کر اہلیہ کو بیوقوف بنارہے ہیں۔‘

گزشتہ قسط میں دکھایا گیا کہ ’ہادیہ سے فیضی کہتے ہیں کہ ’مجھ سے تم اتنا پیار کیوں کرتی ہو، ہادیہ کہتی ہیں کہ ’آپ مجھ سے ہمیشہ یہی سوال کیوں کرتے ہیں۔‘

 


فیضی کہتے ہیں کہ ’کیونکہ مجھے لگتا ہے کہ مجھ سے پیار کرکے تم اپنا نقصان کررہی ہو لیکن وہ کہتی ہیں کہ ’اگر آپ بھی مجھ سے محبت کرنے لگے تو نقصان تو فائدے میں بدل جائے گا۔‘

’ہادیہ کے ’مقدر‘ میں کیا لکھا ہے یہ تو آنے والی اقساط میں ہی پتا چل سکے گا، ڈرامہ سیریل ’مقدر کا ستارہ‘ کی اگلی قسط  روزانہ شام 7 بجے دیکھیں۔

Comments

یہ بھی پڑھیں