اے آر وائی ڈیجیٹل کے ڈرامہ سیریل ’بیٹیاں‘ اداکاری کے جوہر دکھانے والی اداکارہ تانیہ حسین ڈرامہ سیریل ’مقدر کا ستارہ‘ میں ’رمشا‘ کا منفی کردار نبھا رہی ہیں۔
آئی ڈریم انٹرٹینمنٹ اور اے آر وائی ڈیجیٹل کی مشترکہ پیشکش ڈرامہ سیریل ’مقدر کا ستارہ‘ کی کاسٹ میں آریز احمد (فیضان)، فاطمہ آفندی (ہادیہ)، بابر علی (صفدر، فیضان کے والد)، نادیہ حسین (فیضان کی والدہ)، لائبہ خان (ہادیہ کی بہن) تانیہ حسین (رمشا)، سلمی حسن ودیگر شامل ہیں۔
ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔ ’مقدر کا ستارہ‘ کی ابتدائی تین اقساط نے مداحوں کی توجہ اپنی جانب مبذول کروالی ہے۔
’مقدر کا ستارہ‘ کی کہانی پوش گھرانے سے تعلق رکھنے والے فیضان کے اور متوسط طبقے کی لڑکی ہادیہ کے گرد گھومتی ہے، فیضان (بگڑے بیٹے) کو سدھارنے کے لیے گھر والے قریبی دوست کے گھر ان کی بیٹی ہادیہ کا رشتہ لے کر جاتے ہیں لیکن وہ اس شادی پر راضی نہیں ہیں اور اپنی دوست رمشا سے محبت کرتے ہیں دوسری جانب ہادیہ بھی انہیں پسند نہیں کرتی ہیں۔‘
تاہم منفی کردار نبھانے والی اداکارہ تانیہ حسین نے اپنے کردار سے متعلق کہا کہ ’رمشا ایک ایسا کردار ہے جو کسی دوسرے کردار سے مختلف ہے جو میں نے بھی کیا ہے۔
گزشتہ روز تانیہ حسین نے انسٹاگرام پر تصویر شیئر کرتے ہوئے لکھا کہ ’وہ اس ڈرامے میں بالکل مختلف کردار ادا کررہی ہیں جس میں فاطمہ آفندی اور آریز احمد بھی شامل ہیں۔
واضح رہے کہ ’مقدر کا ستارہ‘ کی چوتھی قسط کل رات 7 بجے نشر کی جائے گی۔
