پیر, مئی 20, 2024
اشتہار

مراد علی شاہ کو ڈاکٹریٹ کی اعزازی ڈگری مل گئی

اشتہار

حیرت انگیز

کراچی: این ای ڈی یونیورسٹی نے وزیر اعلیٰ سندھ مراد علی شاہ کو ڈاکٹریٹ کی اعزازی ڈگری دے دی۔

تفصیلات کے مطابق مراد علی شاہ کو اعزازی ڈگری دینے کے لیے این ای ڈی میں خصوصی کانووکیشن منعقد کیا گیا، گور نرسندھ کامران ٹیسوری نے ان کو یونیورسٹی کی جانب سے اعزازی ڈگری دی۔

گورنر سندھ نے این ای ڈی یونیورسٹی کے سابق طالب علم سید مراد علی شاہ کی پیشہ ورانہ، ذاتی اور انتظامی کامیابیوں کو خراج تحسین بھی پیش کیا۔

- Advertisement -

وزیر اعلیٰ سندھ نے ڈاکٹریٹ کی اعزازی ڈگری ملنے کے بعد تقریب سے خطاب میں کہا ’’مجھے یاد ہے کہ اس آڈیٹوریم کے کونے میں بیٹھا کرتا تھا، آج یہاں اسٹیج پر کھڑا ہوں، مجھے ڈگری تو دی گئی ہے لیکن میں ڈاکٹر کہلانا نہیں چاہوں گا، میں مراد ہی ہوں اور مراد ہی کہلاؤں گا۔‘‘

وزیر اعلیٰ سندھ نے کہا ’’43 سال پہلے جب میں یہاں آیا تو میرے پہلے دوست سروش حشمت لودھی بنے، کچھ عرصہ قبل سروش حشمت لودھی نے کہا کہ وہ مجھے اعزازی ڈگری دینا چاہتے ہیں، میں نے منع کر دیا کہ ابھی میں اس قابل نہیں، کرونا وبا کے دوران بھی انھوں نے کہا میں نے منع کر دیا، لیکن اس بار انھوں نے مجھے ڈگری دے ہی دی، یہ میرے لیے اعزاز کی بات ہے۔‘‘

مراد علی شاہ نے کہا کہ انھوں نے یونیورسٹی میں گزارا ہر دن بہت انجوائے کیا تھا، انھوں نے کہا ’’ان تمام اساتذہ کا شکریہ جن کی وجہ سے آج میں یہاں کھڑا ہوں۔‘‘

Comments

اہم ترین

انور خان
انور خان
انور خان اے آر وائی نیوز کراچی کے لیے صحت، تعلیم اور شہری مسائل پر مبنی خبریں دیتے ہیں

مزید خبریں