site
stats
پاکستان

وزیر اعلیٰ سندھ کا یونیورسٹی روڈ کی تعمیر میں سست روی پر اظہار برہمی

کراچی: وزیر اعلیٰ سندھ سید مراد علی شاہ نے یونیورسٹی روڈ کی تعمیر میں سست روی کا سختی سے نوٹس لے لیا۔ انہوں نے واضح الفاظ میں کہا کہ صوبے کی ترقی میں ساتھ نہ دینے والا میری ٹیم کاحصہ نہیں ہوگا۔

تفصیلات کے مطابق وزیر اعلیٰ سندھ سید مراد علی شاہ کی زیر صدارت اے ڈی پی پر اہم اجلاس منعقد ہوا۔ اجلاس میں تمام کمشنرز نے ویڈیو لنک پر وزیر اعلیٰ کو بریفنگ دی۔

بریفنگ میں وزیر اعلیٰ کو بتایا گیا کہ صوبائی اے ڈی پی کا پورٹ فولیو 200 بلین روپے ہے جبکہ ڈسٹرکٹ اے ڈی پی 25 بلین روپے کی ہے۔ ڈسٹرکٹ اے ڈی پی میں ڈسٹرکٹ ایڈمنسٹریشن کا اہم رول ہے۔

اجلاس میں وزیر اعلیٰ سندھ نے یونیورسٹی روڈ کی تعمیر میں سست روی کا سختی سے نوٹس لیا۔ انہوں نے شدید اظہار برہم کرتے ہوئے کہا کہ تعمیراتی کام سست روی کا شکار کیوں ہے؟

انہوں نے کمشنر کراچی کو یونیورسٹی روڈ کی جلد سے جلد اور معیار کے مطابق تکمیل کا حکم دیا۔ ان کا کہنا تھا کہ شہری تکلیف میں ہیں، ان کا احساس کریں اور تیز کام کریں۔

اجلاس کے دوران وزیر اعلیٰ نے واضح پیغام دیتے ہوئے کہا کہ سندھ کی ترقی میں ساتھ نہ دینے والا میری ٹیم کاحصہ نہیں ہوگا۔ ہم سب کو صوبے کی ترقی کے لیے متحرک رہنا ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top