پشاور: علی امین گنڈاپور کے بعد پی ٹی آئی کے سینئررہنما مراد سعید وفاقی حکومت کےنشانےپر آگئے۔
ذرائع کے مطابق وفاق حکومت نے کے پی نگراں حکومت کو مراد سعید کیخلاف احکامات جاری کرتے ہوئے ہدایت کی ہے کہ مراد سعید ملک میں جہاں بھی ہوں انہیں گرفتارکریں۔
ذرائع کےپی حکومت کا کہنا ہے کہ مراد سعید کیخلاف کریک ڈاؤن کےسخت احکامات ہیں۔
واضح رہے کہ چند روز قبل مراد سعید نے کبل حملے کے خلاف اور پولیس سے یکجہتی کے لئے ایک ریلی نکالی تھی، ریلی سے مراد سعید نے بیک وقت 15 اضلاع میں خطاب کیا تھا۔
”جی صاحب! آپ پہلے دکھائ نہیں دیے ورنہ پہلے نشانہ تو آپکو بنانا تھا۔ انتظار کرنا تم۔۔ اگر سی ٹی ڈی تک پہنچ سکتے ہیں تو تم تک بھی پہنچ جائینگے”
ہینڈلرز کے زیرِ سایہ آر پی او، ڈی پی او اور امپورٹڈ پرائم منسٹر اب یہ ابہام پھیلا رہے ہیں کہ حملہ شارٹ سرکٹ تھا! شرم کرو اپنے شہید پیٹی… pic.twitter.com/H8aMmlemkV— Murad Saeed (@MuradSaeedPTI) April 24, 2023
واضح رہے کہ چند روز قبل سابق وفاقی وزیر مرادسعید کو دھمکی آمیز پیغام موصول ہوا تھا جس میں کہا گیا تھا کہ جی صاحب! آپ پہلے دکھائی نہیں دیئے ورنہ پہلے نشانہ تو آپکو بنانا تھا۔ انتظار کرنا تم۔ اگر سی ٹی ڈی تک پہنچ سکتے ہیں تو تم تک بھی پہنچ جائینگے۔
اس پیغام میں مراد سعید کو مزید کہا گیا کہ بس تم انتظار کرو، تمہیں ہم نے نہیں چھوڑنا، اس سے پہلے تمہارا کام تمام کرنا تھا لیکن تم بل میں گھسے ہوئے ہو۔ پتہ نہیں لگ رہا تمہارا۔
پیغام شئیر کرتے ہوئے مرادسعید کا کہنا تھا کہ ہینڈلرز کے زیرِ سایہ آر پی او، ڈی پی او اور امپورٹڈ پرائم منسٹر اب یہ ابہام پھیلا رہے ہیں کہ حملہ شارٹ سرکٹ تھا! شرم کرو اپنے شہید پیٹی بھائیوں کی لاشوں پر کھڑے ہوکر انکی تضحیک تو مت کرو۔