اسلام آباد : وزیر مواصلات مراد سعید کا کہنا ہے کہ احسن اقبال کتنا گر سکتے ہیں انہوں نے خود قوم کو دکھا دیا، گالم گلوچ سے آل شریف کونجات ملی نہ احسن اقبال کوفرارکاراستہ ملےگا، قوم کی لوٹی گئی ایک ایک پائی کا جواب دینا ہوگا۔
تفصیلات کے مطابق وزیر مواصلات مراد سعید نے مسلم لیگ ن کے رہنما احسن اقبال کے بیان پر ردعمل دیتے ہوئے کہا کہ احسن اقبال گرےہوئے تھے یہ ہمیں معلوم تھا، احسن اقبال کتنا گر سکتے ہیں انہوں نے خود قوم کو دکھا دیا۔
مراد سعید کا کہنا تھا کہ کرپشن کرتے ہوئے انہیں شرم آتی ہے نہ حیا کو پاس بھٹکنےدیتےہیں، گرفتارچوری کےالزام میں ہیں،تقریریں سیاسی افلاطون بن کر کرتے ہیں۔
وفاقی وزیر نے کہا احسن اقبال اپنے ٹبر کیساتھ ملکر قومی خزانے پر ہاتھ صاف کرتے رہے، وہ خود مرکز اور بھائی سے پنجاب میں وارداتیں کراتے رہے، پنجاب ہارٹیکلچر سے لیکر نارووال اسٹیڈیم تک وارداتوں کی کہانیاں بکھری پڑی ہیں۔
ان کا کہنا تھا کہ قوم چوروں سے آئین پربھاشن نہیں لوٹ مارکاجواب چاہتی ہے، آئین پر جتنی سیاہی اس ٹبر نے کو ملی ، جو کسی کے بس کی بات نہ تھی، خرافات بکنے کے بجائے احسن اقبال عدالت میں الزامات کا جواب دیں، اس چوری کا جواب دیں جس کی نشاندہی میں نےکی ہے۔
مراد سعید نے کہا کہ گالم گلوچ سےآل شریف کونجات ملی نہ احسن اقبال کوفرارکاراستہ ملےگا، قوم کی لوٹی گئی ایک ایک پائی کا جواب دینا ہوگا۔
