The news is by your side.

Advertisement

عوام کی جیبوں پر ڈاکہ ڈالنے والوں کا محاسبہ کیا جائے گا، مراد سعید

اسلام آباد : وفاقی وزیر مواصلات مراد سعید نے کہا ہے کہ عوام کی جیبوں پر ڈاکہ ڈالنے والوں کا محاسبہ کیا جائے گا، خاقان عباسی ایل این جی کا ہی نہیں چینی چوری کا بھی جواب دیں گے۔

ان خیالات کا اظہار انہوں نے ن لیگی رہنما شاہد خاقان عباسی کی گفتگو کے ردعمل میں کیا۔ انہوں نے کہا کہ ایل این جی سےچینی اسکینڈل تک وارداتیں کرنے والے اب بھاشن دے رہے ہیں۔

وفاقی وزیر مواصلات نے کہا کہ عباسی صاحب شاید بھول گئے ہیں کہ پاکستان تبدیل ہوچکا ہے، وارداتیں چھپانے کا زمانہ گزر گیا ہے، یہ رپورٹیں چھپانے کا نہیں بلکہ قوم کو سچ بتانے کا زمانہ ہے.

مراد سعید نے کہا کہ عباسی صاحب ایل این جی کا ہی نہیں چینی چوری کا بھی جواب دیں گے، چینی کمیشن نے بھی پانامہ جے آئی ٹی کی طرح وارداتوں سے پردہ اٹھایا ہے، جس کے بعد پانامہ والوں سے کوئی جواب بن نہ پڑا.

انہوں نے کہا کہ چینی اور ایل این جی والوں کے پاس اپنی صفائی میں کہنے کو کچھ نہیں ہے، کمیشن نے بتادیا کہ کیسےعباسی صاحب شریفوں کے مفادات کی نگہبانی کرتے رہے۔

ان کا مزید کہنا تھا کہ  سندھ میں مراد علی شاہ زرداریوں کی ملوں کو نوازتے رہے، عمران خان کی پہلی اور آخری ترجیح عوام اور عوامی مفادات کا تحفظ ہے، جس جس نے عوام کی جیبوں پر ڈاکہ ڈالا اس کا محاسبہ کیا جائے گا۔

Comments

یہ بھی پڑھیں