اسلام آباد: وفاقی وزیر برائے مواصلات مراد سعید کا کہنا ہے کہ شہباز شریف کی سیکیورٹی پر قومی خزانے سے 830 کروڑ روپے خرچ ہوئے۔ اب انکشاف ہوا کہ کرپشن کا پیسہ بلٹ پروف لینڈ کروزر میں بھرا جاتا اور پروٹوکول میں منتقل ہوتا رہا۔
تفصیلات کے مطابق وفاقی وزیر برائے مواصلات مراد سعید نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ شہباز شریف کی سیکیورٹی پر قومی خزانے سے 830 کروڑ اور جاتی عمرہ پر پچھلے 5 سال میں عوام کے 214 کروڑ 13 لاکھ روپے خرچ ہوئے۔
مراد سعید کا کہنا تھا کہ وزیر اعظم ہاؤس کے علاوہ ذاتی 5 گھروں کو بھی کیمپ آفس قرار دیا گیا۔ ذاتی دوروں، خصوصی جہازوں، اور گھروں کے خرچے اس کے علاوہ ہیں۔
انہوں نے مزید کہا کہ اب انکشاف ہوا کہ کرپشن کا پیسہ بلٹ پروف لینڈ کروزر میں بھرا جاتا اور پروٹوکول میں منتقل ہوتا رہا۔
شہبازشریف کےسیکورٹی پرقومی خزانےسے 830 کروڑ،جاتی عمرہ پرپچھلےپانچ سال عوام کے214کروڑ13لاکھ خرچ ہوئے۔وزیراعظم ہاوس کے علاوہ ذاتی5گھربھی کیمپ آفسسز۔ذاتی دورے،خصوصی جہاز،گھر کےخرچےاسکےعلاوہ ہیں
اب انکشاف ہواکہ کرپشن کاپیسہ بلٹ پروف لینڈکروزرمیں بھراجاتااورپروٹوکول میں منتقل ہوتارہا
— Murad Saeed (@MuradSaeedPTI) December 4, 2019
اس سے قبل مراد سعید نے کہا تھا کہ کرپٹ ٹولہ بیماری کی آڑ میں رعایت اور پاکستان سے فرار ہونا چاہتا ہے، پوری قوم تمام کرپٹ کرداروں کا بے لاگ احتساب چاہتی ہے۔
انہوں نے کہا تھا کہ بلاول بھٹو اپنے ابو اور ابو کی کرپشن بچانے کے لیے دوڑ دھوپ میں مصروف ہیں، ملک کو آگے بڑھانا ہے تو لوٹ مار کرنے والوں سے چوری شدہ مال نکلوانا ہوگا۔
