کراچی : شہر قائد کے پوش علاقے ڈیفنس کے ایک بنگلے سے جائیداد کی خرید وفروخت کا کاروبار کرنے والے شخص کی لاش ملی ہے۔
اس حوالے سے پولیس کا کہنا ہے کہ ڈیفنس فیز7 میں قائم ایک بنگلے میں مبینہ طور پربلڈرکی خودکشی کا واقعہ پیش آیا ہے۔
پولیس کے مطابق پراپرٹی ڈیلرکی جس وقت لاش ملی تو اس کے ہاتھ میں اسلحہ موجود تھا جس سے یہ واقعہ خود کشی کا لگ رہا ہے۔
پولیس حکام کا کہنا ہے کہ معاملے کی تہہ تک پہنچنے کیلئے تفتیشی یونٹ کو موقع پر طلب کرلیا گیا ہے، جس کے بعد معاملے کا تعین ہوسکے گا تاہم واقعہ بظاہر خودکشی معلوم ہوتا ہے۔
پولیس ذرائع کا کہنا ہے کہ پراپرٹی ڈیلر کا ایک پولیس افسر سے کسی بنگلے پر قبضے کا تنازعہ بھی چل رہا تھا، مزید تحقیقات کیلئے عینی شاہدین کے بیانات بھی ریکارڈ کئے جائیں گے۔
Comments
- Advertisement -