The news is by your side.

Advertisement

رشتے کے تنازعے پر خاتون کو قتل کرنے والے ملزم کو سزائے موت

سکھر: صوبہ سندھ کے شہر سکھر کی ماڈل کورٹ نے رشتے کے تنازعے پر خاتون کو قتل کرنے والے ملزم کو سزائے موت سنا دی، جرم میں شامل دیگر 2 ملزمان کو بری کردیا گیا۔

تفصیلات کے مطابق سکھر کی ماڈل کورٹ نے خاتون کے قتل کے ملزم پرویز راجپر کو جرم ثابت ہونے پر سزائے موت سنا دی، عدالت نے ملزم پر ایک لاکھ جرمانہ بھی عائد کیا ہے۔

عدالت نے قتل کیس میں 2 ملزمان کو جرم ثابت نہ ہونے پر بری کردیا۔

پولیس کا کہنا ہے کہ سنہ 2012 میں خاتون کو رشتے کے تنازعے پر قتل کیا گیا تھا، واقعے کے بعد خیرپور کے تھانہ سٹھارجہ میں 3 ملزمان پر مقدمہ درج کیا گیا تھا۔

یاد رہے کہ اس سے قبل صوبہ پنجاب کے شہر اٹک کی سیشن کورٹ نے خاتون کو اغوا کے بعد زیادتی اور قتل کرنے والے مجرم کو دو بار موت کی سزا سنائی تھی۔

پولیس کے مطابق مجرم انور حسین نے 2 سال قبل پنڈی گھیب سے خاتون کو اغوا کر کے زیادتی کا نشانہ بنایا اور پھر مغویہ کو قتل کر کے لاش ویرانے میں پھینک دی تھی۔

کیس کی سماعت مکمل ہونے پر ایڈیشنل سیشن جج نے خاتون کے اغوا، زیادتی اور قتل میں ملوث مجرم کو 2 بار موت، عمر قید اور 8 لاکھ روپے جرمانے کی سزا سنائی۔

Comments

یہ بھی پڑھیں