اسلام آباد : نگراں وزیر اطلاعات مرتضیٰ سولنگی نے سیاسی جماعتوں سے سوال کیا کہ کیا تین سویونٹ مفت بجلی کا وعدہ وفا ہوسکتا ہے؟ کیا معاشی مسائل اس بات کی اجازت دیتے ہیں۔
تفصیلات کے مطابق نگراں وزیر اطلاعات مرتضیٰ سولنگی نے اپنے بیان میں کہ ہے کہ گزشتہ 5 ماہ میں انتخابات کے حوالے سے شکوک شبہات کا اظہار کیا گیا، کسی کو شک نہیں ہونا چاہیےعام انتخابات جمعرات آٹھ فروری کوہوں گے۔
نگراں وزیر اطلاعات کا کہنا تھا کہ انشااللہ جمعرات 8 فروری کوتمام پولنگ اسٹیشنزکھلیں گے اور پاکستانی عوام8فروری کواپناحق رائےدہی استعمال کریں گے۔
مرتضیٰ سولنگی نے کہا کہ عام انتخابات کے حوالےسے میڈیا کی ذمہ داری زیادہ بڑھ جاتی ہے،انتخابات کے حوالےسے میڈیا کو ذمہ دارانہ رپورٹنگ کرنا ہوگی۔
ان کا کہنا تھا کہ الیکشن کمیشن کی معاونت کرنا نگراں حکومت کی ذمہ داری ہے، چھوٹےموٹےکام بلدیاتی حکومت کےہوتےہیں یہ وفاقی الیکشن ہیں۔
نگراں وزیر اطلاعات نے سیاسی جماعتوں کے مفت بجلی دینے کے دعوؤں پر سوال کیا کہ کیا تین سویونٹ مفت بجلی کا وعدہ وفا ہوسکتا ہے؟ کیا معاشی مسائل اس بات کی اجازت دیتےہیں، بلند بانگ دعووں کی معاشی بنیاد نہیں تواس کافائدہ نہیں, جیسےایک جماعت نےکہاتھاپی ٹی وی کوبی بی سی بنادیں گے،اور پھر انہوں نے کیا کچھ کیا سب کو پتا ہے۔
مرتضیٰ سولنگی کا کہنا تھا کہ پاکستانی شہری کی حیثیت سےبولنےکاحق ہےاس لئےگفتگوکی تھی، میرےگفتگوسےکچھ لوگوں کوبہت تکلیف بھی ہوئی۔
