کراچی : سندھ حکومت کے ترجمان مرتضیٰ وہاب نے جماعت اسلامی کی قیادت کو مثبت سوچ کے ساتھ آگے بڑھنے کا مشورہ دے دیا۔
تفصیلات کے مطابق سندھ حکومت کے ترجمان مرتضیٰ وہاب جماعت اسلامی کے الزامات پر ردعمل دیتے ہوئے کہا کہ کراچی کو تعمیر و ترقی کی ضرورت ہے تخریب کی نہیں ، دھرنوں ہنگاموں کی سیاست سے کراچی کی خدمت نہیں ہوگی۔
مرتضیٰ وہاب کا کہنا تھا کہ کراچی کو ایسے فرد کی ضرورت ہےجو اسٹیک ہولڈرزکو ساتھ لے کر چلے، جماعت اسلامی کومثبت سوچ کے ساتھ آگے بڑھنا ہوگا۔
- Advertisement -
گذشتہ روز وزیرمحنت سندھ سعید غنی نے کہا تھا کہ جماعت اسلامی میئر کے عہدے کا نشہ اتنی جلدی سرپرنہ چڑھائے، آپ ہمارامینڈیٹ تسلیم کرو، ہم آپ کامینڈیٹ مانیں گے۔
ان کا کہنا تھا کہ جس یوسی پراعتراض ہے،دوبارہ گنتی کرائیں، ہم تسلیم کریں گے۔
