The news is by your side.

Advertisement

وزیر اعظم کو کرونا، ویکسین کب کار آمد ہوگی؟ ترجمان سندھ حکومت کا بیان

کراچی: سندھ حکومت کے ترجمان مرتضیٰ وہاب نے دعا کی ہے کہ اللہ وزیر اعظم کو صحت دے، ہم اس معاملے پر سیاست نہیں کریں گے۔

مرتضیٰ وہاب نے کہا کہ عمران خان کو کرونا ویکسین کا ایک ڈوز لگا تھا، جب دونوں ڈوز لگیں گے تب ویکسین کار آمد ہوگی۔

ترجمان سندھ حکومت کا کہنا تھا کہ اس معاملے پر سیاست نہیں کی جائے گی، کرونا ویکسین دونوں ڈوز لگنے کے بعد ہی کار آمد ہوتی ہے، جب کہ عمران خان کو ایک ڈوز لگا ہے۔

واضح رہے کہ وزیر اعظم عمران خان کرونا میں مبتلا ہوگئے ہیں، ان کا کرونا ٹیسٹ آج مثبت آیا، جس پر انھوں نے خود کو گھر میں قرنطینہ کر لیا ہے۔

ویکسین کے بعد وزیراعظم میں کورونا کی تشخیص ، وزارت صحت کا اہم بیان آگیا

وزارت قومی صحت نے ٹوئٹر پیغام میں وضاحت کی کہ وزیر اعظم عمران خان کا کرونا ٹیسٹ جب مثبت آیا تو اس وقت ان کی ویکسی نیشن مکمل نہیں ہوئی تھی، وزیر اعظم کو ویکسین کا پہلا ٹیکا لگے صرف 2 دن ہوئے ہیں، جو کسی بھی ویکسین کے کار آمد ہونے کے لیے بہت کم وقت ہے۔

وزارت قومی صحت کے مطابق اینٹی باڈیز ویکسین کا دوسرا ٹیکا لگنے کے 2 سے 3 ہفتوں کے بعد بننا شروع ہوتی ہیں۔

وزیر اعظم کے معاون خصوصی برائے صحت فیصل سلطان نے ایک ٹوئٹ میں وزیر اعظم کرونا ٹیسٹ مثبت آنے کی تصدیق کی تھی۔

Comments

یہ بھی پڑھیں