کراچی سمیت سندھ بھر میں ترقیاتی کام نہ ہونے پر وفاقی وزیر اسد عمر کی جانب سے صوبائی حکومت تنقید کا نشانہ بنائے جانے پر ترجمان سندھ حکومت مرتضیٰ وہاب کا ردعمل آگیا۔
ترجمان مرتضیٰ وہاب نے بیان میں کہا ہے کہ کراچی میں ترقیاتی کام نہ کرانےکی بات اسدعمر کو زیب نہیں دیتی، وفاقی حکومت پہلےروزسےکراچی میں کام کرنےمیں دلچسپی نہیں رکھتی۔
انہوں نے کہا کہ سندھ حکومت پر الزام دینا سلیکٹیڈ حکومت کا ترقیاتی کاموں سےراہ فرار ہے پی ٹی آئی حکومت نااہلی چھپانےکیلئےسندھ حکومت پر الزامات لگادیتی ہے۔
مرتضیٰ وہاب کا کہنا تھا کہ اسدعمرصاحب صرف پیکجزکےاعلانات سےکام نہیں چلےگا، وفاقی حکومت نےکراچی کیلئے صرف اعلانات کئےاوریوٹرن لئےہیں۔
انہوں نے مزید کہا کہ اسدعمر سندھ حکومت پر الزام سے پہلے 162 کروڑ کے پیکج کا بتا دیتے۔
