لاہور : ترجمان پنجاب حکومت مسرت چیمہ کا دعویٰ ہے کہ اس وقت پاکستان کے پاس صرف 4 ارب ڈالر موجود ہیں۔
سماجی رابطے کی ویب سائٹ ٹوئٹر پر ترجمان پنجاب حکومت مسرت چیمہ نے لکھا کہ پاکستان نے اگلے 2 سال میں 73 ارب ڈالر کی ادائیگیاں کرنی ہیں، جبکہ اس وقت پاکستان کے پاس صرف 4 ارب ڈالر موجود ہیں۔
مسرت چیمہ نے کہا کہ پاکستان کا پیداواری سیکٹر مسلسل تباہ ہورہا ہے، پاکستان میں بیرونی سرمایہ کاری بھی آدھی رہ گئی ہے۔
پاکستان نے اگلے 2 سال میں 73 ارب ڈالر کی ادائیگیاں کرنی ہیں اور اس وقت ہمارے پاس صرف 4 ارب ڈالر موجود ہیں. ہمارا پیداواری سیکٹر مسلسل تباہ ہو رہا ہے اور بیرونی سرمایہ کاری بھی آدھی رہ گئی ہے. اس صورتحال میں بھی کرپٹ ٹولہ اپنی کرپشن معاف کروانے اور ہمنواؤں کو نوازنے میں مصروف ہے.
— Musarrat Cheema (@MusarratCheema) January 17, 2023
ترجمان پنجاب حکومت نے ٹوئٹ میں مزید لکھا کہ کرپٹ ٹولہ کرپشن معاف کرانے، ہمنواؤں کو نوازنے میں مصروف ہے، فوری الیکشن واحد حل ہے اور عوام اس ٹولےکو مزیدموقع نہیں دینگے۔