مسقط میں رہنے والوں کے لیے حکومت کی جانب سے اہم اعلان سامنے آگیا، مکینوں سے کہا گیا ہے کہ وہ عمارتوں پر سفید رنگ کا استعمال کریں۔
حکام نے رہائشیوں پر زوردیا ہے کہ وہ عمارتوں پر سفید رنگ کا استعمال کریں، مسقط میونسپلٹی کا کہنا تھا کہ عمارتوں کے لیے دیوار کے بیرونی رنگوں کا انتخاب کرتے وقت سفید یا اس کے شیڈز کا استعمال کیا جائے۔
مسقط میونسپلٹی کے اس اقدام کا مقصد یہ ہے کہ مسقط شہر کی جمالیاتی کشش کو محفوظ رکھا جائے جبکہ تمام عمارتوں کے باہر سفید رنگ ایک طرح سے شفاف نظارہ بھی فراہم کرے گا۔
خلیجی ملک کے حکام نے کہا کہ مسقط شہر کی جمالیات کو محفوظ رکھنے کے لیے، مسقط میونسپلٹی ہر ایک سے اپیل کرتی ہے کہ بیرونی دیواروں کو سفید رنگ سے آراستہ کیا جائے۔
مسقط میونسپلٹی کے حکام نے مزید کہا کہ بلڈنگ کی آرکیٹیکچرل پروٹریشنز یعنی باہر کو نکلے ہوئے حصے اور عمارتوں کی باڑوں کے رنگوں کا انتخاب کرتے وقت سفید رنگ اور اسی طرح کے شیڈز کا استعمال کریں۔
