site
stats
پاکستان

آئین شکنی کیس، سیشن جج لاہور کو خصوصی عدالت کے احکامات موصول

اسلام آباد : آئین شکنی کیس میں سابق صدر پرویز مشرف کی منقولہ ، غیر منقولہ جائیداد ضبط کرنے کے لیے خصوصی عدالت کے احکامات سیشن جج لاہور کو موصول ہوگئے۔

تفصیلات کے مطابق سابق صدر پرویز مشرف کے خلاف آئین شکنی کیس کی سماعت کرنے والی خصوصی عدالت کی جانب سے سابق صدر کی جائیداد ضبط کرنے کے حوالے سے خصوصی عدالت کی جانب سے احکامات جاری کیے گیے تھے۔

پڑھیں :  سنگین غداری کیس میں غیر حاضری، پرویز مشرف کی جائیداد ضبط کرنے کا حکم

 Musharraf--Post-1

اس حوالے سے خصوصی عدالت کے رجسٹرار محمد اعظم کی جانب سے سیشن جج لاہور کو مراسلہ بھیجا جا چکا تھا، جس میں کہا گیا تھا کہ ’’خصوصی عدالت کے احکامات کی روشنی میں سابق صدر کی تمام جائیداد ضبط کر لی جائے اور عدالتی احکامات پر عمل کرتے ہوئے رپورٹ اسلام آباد ارسال کی جائے۔

یہ بھی پڑھیں : آئین شکنی کیس:خصوصی عدالت کا پرویز مشرف کے خلاف کاروائی کاآغاز

 Musharraf--Post-1

سیشن جج لاہور نے مراسلہ موصول ہونے کے بعد ایس ایچ او ڈیفنس کو نوٹس جاری کرتے ہوئے 27 جولائی تک لاہور کے علاقے ڈیفنس میں واقعے پرویز مشرف کی جائیداد کی تفصیلات طلب کر لی ہیں۔

Musharraf-Post--2

واضح رہے خصوصی عدالت کی جانب سے 19 جولائی کو آئین شکنی کیس میں مسلسل غیر حاضری کے سبب پرویز مشرف کی منقولہ اور غیر منقولہ جائیداد ضبط کرنے کے احکامات جاری کیے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top