پی ایس ایل 8 شروع ہونے میں چند روز باقی ہیں لیکن لیگ کی سب سے مقبول ٹیم کراچی کنگز شہرت کی بلندیوں کے حوالے سے سب سے اوپر ہے۔
پی ایس ایل 8 کی ایک اور ٹیم ملتان سلطانز کے بولنگ کوچ اور سابق ٹیسٹ کرکٹر مشتاق احمد بھی کراچی کنگز کے بڑے مداح نکلے ہیں اور انہوں نے پاکستان سپر لیگ سیزن 8 کے لیے کراچی کنگز کو سب سے خطرناک اور دیگر ٹیموں کے لیے چیلنجنگ قرار دے دیا ہے۔
سابق لیگ اسپنر نے اے آر وائی نیوز کے پروگرام ’پی ایس ایل اسپیشل‘ میں کراچی کنگز کے حوالے سے مزید بھی اظہار خیال کیا۔
مشتاق احمد نے کراچی کنگز کے سابق اور پشاور زلمی کے موجودہ کپتان بابر اعظم کے حوالے سے کہا کہ انہیں جلد گُگلی کو کھیلنا سیکھنا ہوگا۔
سابق ٹیسٹ کرکٹر کا یہ دلچسپ تفصیلی انٹرویو آج شام اے آر وائی نیوز پر نشر کیا جائے گا۔
یہ بھی پڑھیں: پی ایس ایل 2023 کے ٹکٹوں کی آن لائن فروخت شروع
واضح رہے کہ پاکستان سپر لیگ کا آغاز 13 فروری سے ہورہا ہے۔ پہلے میچ میں سیزن 7 کی چیمپیئن ٹیم لاہور قلندر کا مقابلہ ملتان سلطان سے ہوگا۔ افتتاحی میچ کی آن لائن تمام ٹکٹ فروخت ہوچکی ہیں۔
