ورجینیا : امریکہ مین نو منتخب پاکستانی نژاد مسلمان نے اپنے عہدے کا حلف قرآن پاک پر اٹھا لیا، مسلمان وزیر کو وزارت تعلیم کا عہدہ سونپا گیا۔
تفصیلات کے مطابق امریکی صدر کے مسلمان مخالف بیان اور اقدامات کے باوجود امریکی ریاست ورجینیا کی تاریخ میں پہلی بار نو منتخب مسلمان وزیر نے اپنے عہدے کا حلف قرآن پاک پر اٹھایا۔
غیر ملکی میڈیا کے مطابق سوشل میڈیا پر ایک ویڈیو وائرل ہورہی ہے، جس میں ایک مسلمان وزیر عاطف قرنی اپنے ایک ہاتھ میں قرآن پاک اٹھائے امریکی دستور کے تحت حلف اٹھا رہا ہے۔
يوم تاريخي في ولاية فيرجينيا حيث قام عاطف القرني بأداء القسم على القرآن الكريم ليصبح وزيراً للتعليم في تلك الولاية،،و هو أميركي من أصول باكستانية
Historic day In Virginia as Atif Qarni was sworn the on holy Quran to become the next secretary of education. pic.twitter.com/TQbYvHFu3r— Muna AbuSulayman منى (@abusulayman) January 15, 2018
ورجینیا کے گورنر رالف نورتھم نے عاطف قرنی سے حلف لیا، عاطف کو تعلیمی پالیسی، مدارس کی معاونت اور اعلیٰ تعلیمی اداروں کی نگرانی کی ذمہ داریاں سونپی گئی ہے۔
عاطف قرنی کو یہ اعزاز حاصل ہے کہ وہ پہلے امریکی مسلمان ہیں جو ورجینیا میں اس اہم عہدے پر فائز ہوئے ہیں۔
اس سے قبل عاطف قرنی امریکی نیوی میں سارجنٹ کے فرائض انجام دئے جبکہ کچھ عرصہ تک وسطی ورجینیا میں بیفیل اسکول میں بطور اسپورٹس ٹیچر کے طور پر کام کر چکے ہیں۔
خیال رہے کہ قرنی کا تعلق کراچی سے ہیں، وہ دس سال کی عمر میں اپنے خاندان کے ہمراہ امریکا منتقل ہوئے تھے۔
اس موقع پر ورجینیا گورنر نورتھام کا کہنا تھا کہ اعلیٰ تعلیم کے حوالے عاطف قرنی کے پاس ایک مضبوط اور پختہ ویژن ہے اور ہمیں ریاست کیلئےایک ایسا سیکرٹری تعلیم چاہیے، جو نصاب تعلیم، کلاسز اور اسکولوں کے معاملات کو اچھی طرح جانتا اور سمجھتا ہو۔
