مسلم لیگ ن کے اراکین اسمبلی پی ٹی آئی کے ٹکٹ پر الیکشن لڑنے کے خواہشمند

لاہور : پی ٹی آئی کے ٹکٹ پر الیکشن لڑنے کی خواہشمند 6 ن لیگ اراکین اسمبلی کے پی ٹی آئی کے ساتھ معاملات طے پاگئے۔

تفصیلات کے مطابق پاکستان تحریک انصاف نے الیکشن کیلئے تیاریاں شروع کردین ، پی ٹی آئی کے ٹکٹ پر لیگی اراکین اسمبلی الیکشن لڑنے کے خواہشمند ہیں۔

ذرائع پی ٹی آئی نے بتایا کہ 6 ن لیگ اراکین اسمبلی کےپی ٹی آئی کےساتھ معاملات طے پاگئے ہیں ، یہ اراکین پی ٹی آئی کےٹکٹ پر الیکشن لڑنا چاہتے ہیں۔

ذرائع کا کہنا ہے کہ پی ٹی آئی 6 سے زیادہ اراکین کو پنجاب میں ایڈجسٹ نہیں کر سکتی اور پیپلزپارٹی کا کوئی ایسا مضبوط امیدوار نہیں جس کو پنجاب میں شامل کیا جا سکے۔

پارٹی ذرائع کے مطابق مسلم لیگ ن کے اراکین جلد پی ٹی آئی میں شمولیت اختیار کریں گے۔

Comments