کراچی : مصطفیٰ عامر قتل کیس میں معروف اداکار ساجد حسن کے مینجر کی ویڈ خریدنے کے لئے منشیات فروش بازل کو دی گئی ڈپازٹ سلپ سامنے آگئی۔
تفصیلات کے مطابق مصطفیٰ عامر قتل کیس میں ویڈ خریدنے کیلئے دی گئی ڈپازٹ سلپ سامنے آگئی ، ویڈ خریدنے کیلئے منشیات فروش کو ملزم ساحر حسن کے والد کا منیجر مکرم علی پیسے دیتا تھا۔
منشیات فروش بازل کودی گئی ڈپازٹ سلپ سامنے آگئی ہے، پولیس نے بتایا کہ ساحر حسن سے ملنے والی ڈپازٹ سلپ ڈھائی سال پرانی ہے، ساحر 3 سال سے ویڈ کا کاروبارکررہاتھا۔
پولیس کا کہنا تھا کہ منشیات فروش ساحر کو ادھار پر کراچی میں ویڈ سپلائی کرتا تھا۔
حکام نے دعویٰ کیا کہ بازل کا تعلق ایک اہم کاروباری گھرانے سے ہے، بازل یحیی نامی منشیات ڈیلر کا مال کراچی میں سپلائی کرتا تھا۔
مزید پڑھیں : ملزم ساحر حسن سے برآمد منشیات کی کیمیکل ایگزامینیشن رپورٹ سامنے آگئی
پولیس نے بتایا کہ منشیات ویڈ کے استعمال اور خرید و فروخت میں بااثرعناصرملوث ہونے کا انکشاف ہوا تاہم ویڈ خرید وفروخت میں ملوث اہم کرداروں کے خلاف گھیرا تنگ کردیا گیا ہے۔
حکام کے مطابق بین الاقوامی منشیات کا ڈیلر بازل بیرون ملک فرار ہوچکا ہے گروہ کے دیگر کارندے بھی گرفتاری کے خوف سے زیر زمین چلے گئے ہیں
