کراچی : مصطفیٰ عامر قتل کیس کے مرکزی ملزم ارمغان کو سینے میں درد کی شکایت پر جناح اسپتال منتقل کردیا گیا۔

تفصیلات کے مطابق مصطفیٰ عامر قتل کیس کے ملزم ارمغان کوایک بار پھر جناح اسپتال منتقل کردیا گیا۔

ملزم کو سینے میں درد کی شکایت پر جناح اسپتال منتقل کیا گیا، ملزم کا چیسٹ اسکین کرایا ہے تمام تر چیزیں نارمل ہیں، ملزم کو تمام طبی سہولت فراہم کی جارہی ہیں۔

ایف آئی اے نے انسداددہشت گردی عدالت میں رپورٹ پیش کردی ، جس میں بتایا کہ ارمغان کےلیپ ٹاپ سےپتہ لگا وہ بین الاقوامی فراڈگروپ کاحصہ ہے، وہ اور اس کے والد کامران قریشی نے فراڈ کیلئے کمپنی بنائی تھی، کمپنی کی سالانہ آمدن 3 سے 4 لاکھ ڈالرز ہے۔

وفاقی تحقیقاتی ادارے نے کہا کہ فراڈ کیلئے قائم کمپنی کے 25 ایجنٹ ہیں، رمغان نے ملازم افنان اشرف کے ذریعے لگژری گاڑیاں خریدیں، گاڑیوں کی قیمت 15 کروڑ 40 لاکھ روپے ہے۔

مزید پڑھیں : ایف آئی اے نے ملزم ارمغان کی بیش قیمت ریپٹر گاڑی برآمد کرلی

ایف آئی اےارمغان کوکل دوبارہ عدالت پیش کرےگی، ملزم منی لانڈرنگ و دیگر4 مقدمات میں ریمانڈ پر ایف آئی اے تحویل میں ہے۔

ایف آئی اے نے کمپنی کے دوسرے مالک کامران قریشی کو ملزم نہیں بنایا۔