کراچی : رہنما ایم کیوایم پاکستان مصطفیٰ کمال کا کہنا ہے کہ پی ٹی آئی میں ضم ہونے سے انکار کیا تو جھوٹا کیس بنا دیا گیا۔
تفصیلات کے مطابق رہنما ایم کیوایم پاکستان اور چیئرمین پاک سرزمین پارٹی مصطفیٰ کمال نے عدالت میں پیشی کے موقع پر میڈیا سے گفتگو کرتے ہوئے کہا کہ عمران خان کی حکومت میں ہم پر جھوٹا کیس بناتھا، عمران خان کی حکومت میں فرمائش ہوئی کہ پی ٹی آئی میں ضم ہوجائیں، جب پی ٹی آئی میں ضم ہونے سے منع کیا تو کیس بنا دیا گیا۔
مصطفیٰ کمال کا کہنا تھا کہ کیس میں جس بندے کوقتل کرنےکا الزام ہے وہ گھوم پھررہاہے ، عمران خان کی گرفتاری کےبعد پاکستان کو جلا یاگیا۔
انھوں نے کہا کہ راناثنااللہ پرجھوٹاہیروئن کاکیس ڈال کر ایک سال جیل میں رکھا لیکن عدالتوں نےرانا ثنا اللہ کوبری کردیا۔
رہنما ایم کیوایم پاکستان کا کہنا تھا کہ پی ٹی آئی کےسوشل میڈیا نے کراچی کی گنتی کےلیےٹرینڈ چلایا ؟ کیا پی ٹی آئی نے عافیہ صدیقی کی رہائی کیلئے ٹرینڈ چلایا ، کیا بلوچستان کےلاپتہ افراد کیلئے تحریک ٹرینڈ چلایا؟
