کراچی: پاک سرزمین پارٹی نے جشن آزادی کو بھرپور طریقے سے منانے کا اعلان کردیا، ریلیاں نکالی جائیں گی اور آتش بازی کے مظاہرے کرنے کے علاوہ دفاتر پر پرچم کشائی کی جائے گی۔
تفصیلات کے مطابق پی ایس پی کے چیئرمین مصطفیٰ کمال نے کہا ہے کہ اس سال وطن عزیز کا جشن آزادی شایان شان طریقے سے منائیں گے۔
PSP announces to take out rally Jashne Azadi… by arynews
اس حوالے سے پاکستان ہاؤس میں پریس کانفرنس سے خطاب کرتے ہوئے چیئرمین پی ایس پی مصطفیٰ کمال کا کہنا تھا کہ بارہ اگست کوجشن آزادی ریلی نکالی جائے گی جو پی ایس پی سیکریٹریٹ سے شروع ہوکر مزار قائد پر اختتام پزیر ہوگی۔
تیرہ اگست کو ملک بھر میں قائم پارٹی دفاتر سے ریلیاں نکالی جائیں گی، تیرہ اگست کی رات کو ملک بھر کے دفاتر پر آتش بازی کی جائے گی اورچودہ اگست کو تمام دفاتر پر پرچم کشائی کی تقاریب منعقد جائیں گی۔
کراچی میں بارشوں کے بعد کی صورتحال پر تبصرہ کرتے ہوئے مصطفیٰ کمال کا کہنا تھا کہ اگر بلدیاتی نظام درست ہوتا تو وزیراعلیٰ سندھ کو بارش کے پانی کی نکاسی کے لئے احکامات جاری نہ کرنے پڑتے۔
ان کا کہنا تھا کہ اقتدار میں آنے کے بعد ہم ملک کے آئین میں ترامیم لائیں گے، اختیارات کو نچلی سطح تک منتقل کریں گے۔ انہوں نے کہا کہ این ایف سی کے لیے آواز بلند کرتے ہیں مگر اضلاع کو نہ تو فنڈ فراہم کیے جاتے ہیں اور نہ ہی ترقیاتی کام نہیں کروائے جاتے۔
ایک سوال کے جواب میں مصطفیٰ کمال کا کہنا تھا کہ ایک شخص کو بچانے کے لیے کراچی و حیدرآباد کے مینڈیٹ کو گروی رکھ دیا گیا ہے۔
انہوں نے محب وطن لوگوں کو جشن آزادی کے پروگرام میں بھر پور شرکت کی دعوت دی۔ اس موقع پر سپریم کورٹ کی ایڈووکیٹ صوفیہ شاہد نے پاک سر زمین پارٹی میں شمولیت کا اعلان کیا۔
0
20
