کراچی : چیئرمین پاک سرزمین پارٹی مصطفیٰ کمال نے کہا ہے کہ کراچی کے شہری اپنے بچوں کے حقوق کے لیے کل ملین مارچ میں ضرور شرکت کریں اور وزیراعلیٰ ہاؤس تک واک کرکے انہیں شہر کے مسائل حل کرنے کے لیے مجبور کردیں۔
مصطفیٰ کمال اپنے ویڈیو پیغام کے ذریعے ملین مارچ میں شرکت کے لیے عوام کو دعوت دے رہے تھے انہوں نے کہا کہ اپنے پیغام میں اپیل کی کہ کراچی کے ایک ایک شہری کو کل شام 4 بجے ایٍف ٹی سی پل شارع فیصل پر پہنچنا ہے جہاں سے وزیراعلیٰ ہاؤس کی جانب واک کی جائے گی اور انہیں گھٹنے ٹیکنے پر مجبور کردیں گے۔
انہوں نے کہا کہ ہمارا کام جدو جہد کرنا ہے اور اپنے گھروں سے اپنے حقوق کے حصول کے لیے نکلنا ہے تاکہ حکمرانوں سے اپنے بچوں کے حقوق واپس لینے ہیں اس کے لیے سب نے باہر نکلنا ہے اور اپنے حصے کی آواز لگانی ہے۔
Chairman @KamalPSP invites all Karachi-ites to demand their basic rights by joining #PSP‘s #MillionMarch tomorrow 14th May 2017. pic.twitter.com/zGdO1tyFxZ
— Pak Sarzameen Party (@PSPPakistan) May 13, 2017
قبل ازیں کراچی پریس کلب پر چیئرمین پی ایس پی مصطفیٰ کمال نے صحافیوں سےگفتگو کرتے ہوئے کہا کہ ہمارے پیش کردہ 16 نکات کو سب قبول کریں گے کیوں کہ نہ صرف یہ کہ جائز مطالبات ہیں بلکہ شہر کے مسائل کے حل کا واحد طریقہ بھی ہیں۔
انہوں نے کہا کہ میں سیاست نہیں کررہا بلکہ اس شہر کے لوگوں کے لیےکام کر رہا ہوں جس کے لیے جلاؤ گھیراؤ نہیں کریں بلکہ پرامن طریقے سے اپنےحق لیں گے جس کے لیے میں نے اپنے حصےکا کام کردیا اب فیصلہ عوام کوکرنا ہے باقی کامیابی اور ناکامی اللہ کے ہاتھ میں ہے۔
