پاکستانی ڈرامہ انڈسٹری کی سینئر اداکارہ پروین اکبر کی بیٹی رابعہ کلثوم نے اپنی شادی سے متعلق دلچسپ کہانی سنادی۔
شوبز خاندان سے تعلق رکھنے والی اداکارہ رابعہ کلثوم نے حالیہ انٹرویو میں بتایا کہ ’ایک شادی کی تقریب میں بھائی کے دوست کو مجھ سے محبت ہوگئی تھی پھر انہوں نے شادی کے لیے والدہ کو راضی کرنا شروع کردیا تھا۔‘
انہوں نے بتایا کہ ’ریحان صرف امی کے ساتھ ہی گھوم رہے ہوتے تھے ان ہی کے ساتھ باتیں کرتے تھے آج بھی امی اور ان کی دوستی بہت اچھی ہے۔‘
رابعہ کلثوم نے بتایا کہ ’کچھ ہی دنوں کے بعد ریحان نے کہا کہ ہم شادی کرلیتے ہیں پھر وہ اپنی فیملی کو لے کر آئے اور ہماری بات پکی ہوگئی تھی۔‘
View this post on Instagram
اداکارہ کا کہنا تھا کہ ’بھائی کی شادی جنوری میں ہوئی تھی اس کے ڈیڑھ ماہ بعد ہماری شادی طے ہوگئی تھی۔‘
View this post on Instagram
ایک سوال کے جواب میں رابعہ نے کہا کہ ’والدہ نہیں چاہتی تھیں کہ میں انڈسٹری میں کام کروں۔‘
انہوں نے وجہ بتاتے ہوئے کہا کہ والدہ جس وقت سے انڈسٹری میں کام کررہی ہیں اس وقت اس شعبے میں لڑکیوں کا کام کرنا معیوب سمجھا جاتا تھا اسی لیے ان کے دل میں ڈر تھا کہ انہوں نے جن چیزوں کا سامنا اپنے زمانے میں کیا ان سے میری بیٹی کو بھی گزرنا پڑے گا۔
رابعہ کلثوم کا کہنا تھا کہ ہر کام کرنے والی عورت کے مختلف تجربات ہوتے ہیں کسی کے مثبت تو کسی کے منفی، اگر اس نظریے کو لے کر بات کریں تو میں اپنی والدہ کے فیصلے سے متفق ہوں کیونکہ اس وقت فیصلہ بالکل ٹھیک تھا۔
