سمندر بھی ایک حیرت انگیز اور پراسرار دنیا ہے، جو انوکھی مخلوقات سے بھری ہوئی ہے، جو نایاب اور عجیب وغریب مخلوقات کی نمائش بھی کرتی ہے۔
ایسی ہی ایک پراسرار مخلوق حال ہی میں آسٹریلیا کے ساحل پر دیکھی گئی، جسے دیکھ کر لوگ حیران رہ گئے،
میڈیا رپورٹ کے مطابق کوئنزلینڈ کے گریٹ بیریئر ریف ساحل پر براؤن جیلی نما گولے کی مانند ایک عجیب سمندری شے کو دیکھا گیا، ساحل پر موجود لوگوں کا کہنا ہے کہ یہ کیا مخلوق ہے جو ہم نے اس سے قبل کھبی نہیں دیکھی؟۔
سمندری حیات سے آگاہی دینے والی آسٹریلیا کے فیس بک گروپ نے پراسرار سمندری مخلوق کی تصاویر کو سوشل میڈیا پر وائرل کیا گویا تو انٹرنیٹ میں ایک طوفان آگیا، صارفین ایک دوسرے سے پوچھنے لگے کہ یہ کہاں سے آیا؟ یہ اصل میں ہے کیا؟ کسی نے جواب دیا کہ یہ تو ‘ جیلی فش ‘ معلوم ہوتی ہے۔
یہ بھی پڑھیں: ہاتھی کے زخمی بچے کی ویڈیو نے سب کو رُلا دیا
سوشل میڈٰیا پر یہ بھی بازگشت سنائی دی گئی کہ یہ ‘ ٹماٹر جیلی فش ہے’، تاہم سمندری حیات پر تحقیق کرنے والے ڈاکٹر لیزا گیرشون نے عجیب سمندری مخلوق کی پراسراریت سے پردہ اٹھادیا۔
سمندری ماہر حیاتیات کا کہنا تھا کہ یہ بھی جیلی فش کی اقسام ہے جس کا رنگ چاکلیٹ براؤن ہے اور یہ کوئنز لینڈ میں کثرت سے پائی جاتی ہے،اس کے علاوہ یہ بحر ہند اور بحر الکاہل کے سمندری پانیوں میں بھی پائی جاتی ہے، انسانوں کے لئے خطرناک نہیں ہے، ہاں اگر انہیں تنگ کیا جائے تو یہ ڈنگ بھی مارسکتی ہے۔
ٹماٹر نما جیلی فش سو سے 2800 میٹر کی گہرائی میں رہنا پسند کرتی ہے۔
