ممبئی: بھارتی ریاست مہاشٹرا کے اہم شہر میں پُراسرار دھاتی ستون نمودار ہوا ہے۔
بھارتی میڈیا رپورٹ کے مطابق ممبئی کے علاقے باندرا میں واقع جوگر پارک میں بدھ کے روز پراسرار دھاتی ستون نمودار ہوا جس کو دیکھ کر شہری اور منتظمین حیران رہ گئے۔
باندرا کے آصف زکریا نے سماجی رابطے کی ویب سائٹ ٹویٹر پر نمودار ہونے والے دھاتی ستون کی تصاویر بھی شیئر کیں، جس پر صارفین نے مختلف رائے کا اظہار بھی کیا۔
ویڈیو دیکھیں: ترکی کے قدیم ترین مقام پر پراسرار دھاتی ستون نمودار
انہوں نے لکھا کہ ’پراسرار دھاتی ستون باندرا کے جوگر پارک میں زمین کا سینہ چاک کر کے نمودار ہوا، جس پر ہندسے درج ہیں، مجھے اس کی لمبائی یا کسی بھی چیزکا کوئی علم نہیں مگر تصاویر بنانے سے رکا نہیں جارہا تھا، اس لیے انہیں موبائل میں محفوظ کرلیا‘۔
It’s here! Mysterious #monolith appeared in #Mumbai! Check it out at Joggers Park Bandra! It has numbers on side of it let’s try & figure out what they mean Don’t know how long it will be there but cant wait to get a picture with it! @mybmcWardHW @mybmc @AUThackeray @INCMumbai pic.twitter.com/x7FU6q5j1i
— Asif Zakaria (@Asif_Zakaria) March 10, 2021
رپورٹ کے مطابق زکریا نے ممبئی میونسپل کارپوریشن کے افسر ادتیا ٹھاکرے اور کانگریس حکام کو بھی ٹویٹ میں مینشن کیا۔
واضح رہے کہ اس سے قبل بھارت کے شہر احمد آباد میں بھی پراسرار دھاتی ستون نمودار ہوا تھا، چند روز بعد یہ ستون خود بہ خود غائب ہوگیا تھا۔
یہ بھی پڑھیں: کانگو میں نمودار ہونے والے دھاتی ستون کے ساتھ شہریوں نے کیا کیا؟
دھاتی ستون نمودار ہونے کا واقعہ کوئی پہلی بار پیش نہیں آیا بلکہ گزشتہ برس امریکا، ترکی، اسپین، روم، بیلیجیئم، جرمنی، کولمبیا سمیت دیگر ممالک میں دھاتی ستون نمودار ہوکر غائب ہوچکے ہیں۔
