ملتان کے حلقہ این اے 157 پر بیٹے علی موسیٰ گیلانی کی کامیابی پر سابق وزیراعظم یوسف رضا گیلانی نے کہا ہے کہ پی ڈی ایم جماعتوں اور پی پی کا شکریہ ادا کرتے ہیں ہماری ٹیم نےانتخابی مہم کی بھرپور نگرانی کی۔
اپنے بیان میں یوسف رضا گیلانی نے کہا کہ عمران خان کےبیانیےکامطلب ملک کوغیرمستحکم کرناتھا عمران خان کا مقصد تھا ملک کو دنیا میں تنہا کرنا معلوم نہیں عمران خان کتنی سیٹیں ہاریں گے جنوبی پنجاب کےعوام نےعمران خان کا بیانیہ مستردکردیا۔
انہوں نے کہا کہ عمران خان کا مقصد صرف ملک میں افراتفری مچانا تھا ہماری نظریات کی جنگ تھی،خاندان کی نہیں پی ڈی ایم کابیانیہ جمہوریت،قانون کی بالادستی،اصولوں پرمبنی تھا۔
یوسف رضا گیلانی نے واضح کیا کہ پارلیمنٹ کامستقبل بہت روشن دیکھ رہاہوں پارلیمنٹ کی بالادستی کے لیے بہت کام کیاہے پی ٹی آئی والے دھرنا کرنا چاہتے ہیں تو کریں ملک میں افراتفری مچانےکی ہرگزاجازت نہیں دی جائےگی۔
