The news is by your side.

Advertisement

بی جے پی رہنماؤں کی ہرزہ سرائی: قومی اسمبلی میں ناموس رسالت ﷺ پر بحث کرانے کا فیصلہ

اسلام آباد: اسپیکرقومی اسمبلی پرویز اشرف نے پیر کو اجلاس میں ناموس رسالت ﷺ پر بحث کرانے کا فیصلہ کرلیا۔

تفصیلات کے مطابق وزیراعظم شہباز شریف کی درخواست پر اسپیکرقومی اسمبلی پرویز اشرف نے ناموس رسالت ﷺپر بحث کرانے کا فیصلہ کرلیا۔

اسپیکرنے پیر کو اجلاس میں بحث کے لیے ایک گھنٹہ مخصوص کردیا ، قومی اسمبلی اجلاس میں بی جے پی رہنماؤں کی ہرزہ سرائی کی مذمت کی جائے گی۔

اس سلسلے میں اسپیکر پرویز اشرف نےاجلاس میں شرکت کےلیےاپوزیشن رہنماؤں کودعوت دے دی اور کہا معاملہ سیاسی ،جماعتی یا انفرادی نوعیت کا نہیں بلکہ ہمارے ایمان کا ہے۔

قومی اسمبلی اجلاس میں قرارداد بھی منظور ہوگی ،جس میں بی جےپی رہنماؤں کے بیانات کی مذمت کی جائے گی۔

یاد رہے وزیراعظم شہباز شریف نے ناموس رسالت ﷺ کے معاملے پر پیر کو اسمبلی میں بحث کرانے کی درخواست کرتے ہوئے کہا پوری دنیا کو ہم بتا دینا چاہتے ہیں آقاکریم ﷺکی حرمت کیلئےہرقربانی دینے کو تیار ہیں۔

وزیراعظم کا کہنا تھا کہ دنیاکےسواارب مسلمانوں کےدل کاخون کیاگیا ہے، اس پرتمام مسلمان سراپااحتجاج ہیں ، ہماری عقیدت و محبت کےاس اہم معاملے پر بحث کرائی جائے۔

Comments

یہ بھی پڑھیں