The news is by your side.

Advertisement

معروف ثنا خواں ذوالفقار حسینی انتقال کرگئے، نماز جنازہ ادا کردی گئی

کراچی: معروف ثنا خواں ذوالفقار علی حسینی کی نماز جنازہ کراچی میں ادا کردی گئی۔

تفصیلات کے مطابق معروف ثنا خواں ذوالفقار علی حسینی علالت کے باعث انتقال کرگئے، نماز جنازہ کراچی میں ان کی رہائش گاہ کے سامنے ادا کردی گئی، جس میں لوگوں کی بڑی تعداد نے شرکت کی۔

ذوالفقار علی حسینی کی نماز جنازہ کراچی کے علاقے گلشن کنیز فاطمہ سوسائٹی میں ادا کی گئی، ذوالفقار علی حسینی کی تدفین سخی حسن قبرستان میں ہوگی۔

یاد رہے کہ الحاج ذوالفقار علی حسینی کراچی کے اسپتال میں زیر علاج تھے۔

اے آر وائی فیملی نے ذوالفقار علی حسینی کے لواحقین سے تعزیت کا اظہار کیا ہے۔

خیال رہے کہ رمضان المبارک میں اے آر وائی ڈیجیٹیل کے پروگرام شان رمضان میں میزبان وسیم بادامی کے ساتھ الحاج ذوالفقار علی حسینی بارگاہ رسالت میں گلہائے عقیدت پیش کرتے تھے۔

الیونتھ آور کے میزبان وسیم بادامی نے نعت خواں کی بیماری کی خبر سماجی رابطے کی ویب سائٹ ٹویٹر پر دی تھی اور وہ خود بھی ان کی عیادت کے لیے اسپتال گئے تھے۔

Comments

یہ بھی پڑھیں