اسلام آباد: قومی احتساب بیورو (نیب) نے سال 2019 میں 150 ارب روپے برآمد کر کے قومی خزانے میں جمع کروائے۔
تفصیلات کے مطابق چیئرمین نیب جسٹس (ر) جاوید اقبال کی زیر صدارت خصوصی اجلاس ہوا جس میں سال 2019 کی مجموعی طور پر سالانہ کارکردگی کا جائزہ لیاگیا۔
اجلاس میں ڈی جی آپریشن ظاہر شاہ نے بریفنگ دیتے ہوئے بتایا کہ سال 2019 میں 658 انکوائریوں کو مکمل کیا گیا جب کہ 859 انکوائریوں پر قانون کے مطابق تحقیقات جاری ہیں۔
بریفنگ کے مطابق 217 انویسٹی گیشن مکمل کی گئی، 206 ریفرنس احتساب عدالت میں دائرکئےگئے جن میں سے161ریفرنس پر فیصلہ ہوا۔
شرکا کو بتایا گیا کہ ایک سال کے دوران نیب نے مجموعی طور پر 150 ارب روپے بر آمد کر کے قومی خزانے میں جمع کرائے گئے۔
اس موقع پر چیئرمین نیب جسٹس (ر) جاوید اقبال نے ٹیم کی کارکردگی کو سراہتے ہوئے کہا کہ وائٹ کالر مقدمات کی تحقیقات سائنسی بنیادوں پر کی جائے اور تمام کیسز کی عدالتوں میں مؤثر پیروی کی جائے۔
0
20
