اسلام آباد : قومی احتساب بیورو ( نیب ) نے نیشنل کرائم ایجنسی 190 ملین پاؤنڈ کیس میں مزید افراد کا نام ای سی ایل میں ڈالنے کی درخواست وزارت داخلہ کو دے دی۔
تفصیلات کے مطابق نیشنل کرائم ایجنسی 190 ملین پاؤنڈ کیس میں اہم پیش رفت سامنے آئی ، قومی احتساب بیورو ( نیب ) نے مزید افراد کا نام ای سی ایل میں ڈالنے کی درخواست وزارت داخلہ کو دے دی۔
ذرائع نے کہا ہے کہ سابق سیکرٹری اعظم خان ، سکندر حیات، عارف رحیم، نوید اکبر، نثار محمد، غلام حیدر، عارف نذیر کا نام بھی ای سی ایل میں شامل کرنے کی درخواست کی ہے۔
ذرائع کا کہنا تھا کہ نیب کی فرحت شہزادی کو انٹرپول کے ذریعےپاکستان لانے کے اقدامات بھی کی درخواست کی۔
ذرائع نے مزید کہا کہ نیب پہلے ہی پی ٹی آئی کابینہ میں موجود اراکین کے نام ای سی ایل میں ڈال چکی ہے تاہم وزارت داخلہ نے نیب کی درخواست پر ای سی ایل کمیٹی کا اجلاس بھی طلب کر لیا ہے۔
