نیب نے امریکا میں تعینات پاکستانی سفیرعلی جہانگیر صدیقی کو طلب کرلیا
The news is by your side.

Advertisement

نیب نے امریکا میں تعینات پاکستانی سفیرعلی جہانگیر صدیقی کو طلب کرلیا

اسلام آباد: قومی احتساب بیورو (نیب) نے امریکا میں تعینات پاکستانی سفیرعلی جہانگیر صدیقی کو طلب کیا ہے.

ذرایع کے مطابق نیب کی جانب سے علی جہانگیر صدیقی کوایزگارڈنامی کمپنی کیس میں 27 اگست کو 11 بجےذاتی حیثیت میں طلب کیا ہے.

ذرایع کا کہنا ہے کہ نیب نےعلی جہانگیر صدیقی کوتمام ریکارڈکے ساتھ لانے کی ہدایت کی ہے.

یاد رہے کہ اسلام آباد ہائی کورٹ نے علی جہانگیر صدیقی کو امریکا میں سفیر تعینات کرناباعث شرمندگی قرار دیا تھا.

کیس کی سماعت کے دوران جسٹس اطہر من اللہ نے ریمارکس دیے تھے کہ کیا ہی اچھا ہوتا، علی جہانگیر صدیقی بطور سفیر تعیناتی قبول نہ کرتے، عدالت مملکت پاکستان کوشرمندگی سےبچانا چاہ رہی ہے۔


متنازع ترین سفیر علی جہانگیر صدیقی 28 مئی سے عہدہ سنبھالیں گے

واضح رہے کہ سفارتی حلقوں کی جانب سےعلی جہانگیر صدیقی کی تعیناتی کو میرٹ کے خلاف قرار دیا گیا تھا، کیونکہ وہ مطلوبہ تعلیم اور سفارتی معاملات کو دیکھنے کی اہلیت نہیں رکھتے۔

خیال رہے کہ علی جہانگیر صدیقی ملک کے معروف کاروباری گروپ جے ایس گروپ کے مالک جہانگیر صدیقی کے صاحبزادے ہیں۔

Comments

comments

یہ بھی پڑھیں