راولپنڈی :190 ملین پاؤنڈ اسکینڈل میں قومی احتساب بیورو(نیب ) ٹیم اڈیالہ جیل میں چیئرمین پی ٹی آئی سے ساڑھے 3 گھنٹے تفتیش کے بعد روانہ ہوگئی۔
تفصیلات کے مطابق 190ملین پاؤنڈ اسکینڈل میں چیئرمین پی ٹی آئی سے تفتیش کیلئے نیب ٹیم اڈیالہ جیل پہنچی، نیب ٹیم کی قیادت ڈپٹی ڈائریکٹرراحیل اعظم کررہے تھے۔
جیل ذرائع نے بتایا کہ نیب ٹیم نےاڈیالہ جیل میں چیئرمین پی ٹی آئی سے ساڑھے 3گھنٹے تفتیش کی اور تفتیش کے بعد اڈیالہ جیل سے روانہ ہوگئی۔
- Advertisement -
جیل ذرائع کا کہنا ہے کہ نیب ٹیم نے 15 نومبرسےتفتیش کا آغاز کررکھاہے، نیب ٹیم 21نومبرتک روزانہ کی بنیادپراڈیالہ جیل میں تفتیش کرتی رہے گی۔
گذشتہ روز احتساب عدالت کے جج محمدبشیرنے21 نومبرتک چیئرمین پی ٹی آئی کا جسمانی ریمانڈمنظورکر رکھا ہے اور عدالت نے نیب کو جیل میں ہی تفتیش کرنے کا حکم دیا تھا۔
