راولپنڈی : جعلی اکاؤنٹس کیس قومی احتساب بیورو (نیب) نے پہلا ریفرنس دائر کردیا، ریفرنس میں سابق ایڈمنسٹریٹر کے ایم سی حسین سیدسمیت 9افراد کونامزد کیا گیا ، ملزمان پر فلاحی مقاصد کیلئے مختص پلاٹ غیر قانونی الاٹ کرنے کا الزام ہیں۔
تفصیلات کے مطابق جعلی اکاؤنٹس کیس میں اہم پیش رفت سامنے آئی ، نیب کی پراسیکیوشن ٹیم نے پہلا ریفرنس اسلام آباد کی احتساب عدالت میں دائر کردیا، جس میں سابق ایڈمنسٹریٹر کے ایم سی حسین سید، عبدالغنی، یونس قدوائی، نجم زمان سمیت نو ملزمان نامزد کئے گئے ہیں۔
ملزمان کےخلاف اختیارات کاناجائز استعمال کرتے ہوتے ہوئے رفاہی پلاٹ غیرقانونی الاٹ کرنےکاالزام عائد کیا گیا ہے۔
گزشتہ روز چئیرمین نیب جسٹس ریٹائرڈ جاوید اقبال نے جعلی اکاؤنٹس کیس میں سی ای اواومنی گروپ عبدالمجید غنی سمیت 6 ریفرنس کی منظوری دی تھی۔
مزید پڑھیں : چئیرمین نیب نے عبدالمجیدغنی سمیت 6افرادکے خلاف ریفرنس دائرکرنے کی منظوری دے دی
اجلاس میں سابق ایڈمنسٹر کے ایم سی محمدحسین اوردیگر کےخلاف اور جعلی بینک اکاؤنٹس کیس میں 7 ایکڑ اراضی ریگولر کرنے پرریفرنس کی منظوری دی گئی تھی۔
خیال رہے اسلام آباد کی احتساب عدالت میں آصف زرداری اور فریال تالپورکی آٹھ اپریل کو پہلی پیشی ہے, منی لانڈرنگ کیس میں نامزد حسین لوائی، انور مجید، نمر مجید، کمال مجید کو بھی عدالت نے 8 اپریل کو ہی طلب کیا گیا ہے۔
یاد رہے کہ بینکنگ کورٹ کی جانب سے منی لانڈرنگ کیس کراچی سے راولپنڈی منتقل کیا گیا، جس کی سماعت اب احتساب عدالت کے جج ارشد ملک کریں گے۔
