شوبز انڈسٹری کی معروف اداکارہ نادیہ جمیل نے کینسر کے ایک اور مرض میں مبتلا ہونے کا انکشاف کیا ہے۔
اداکارہ نادیہ جمیل نے برطانوی نشریاتی ادارے کو انٹرویو دیتے ہوئے بتایا کہ مجھے بچپن سے ہی مرگی کے دورے پڑتے ہیں اور وہ بھی میرے جسم کے دائیں حصے پر اسی وجہ سے میرا دایاں ہاتھ صحیح طریقے سے کام نہیں کرتا، مجھے دایاں ہاتھ استعمال کرنے میں مشکلات کا سامنا ہے۔
سینیئر اداکارہ نے بتایا کہ میں اس مرض کی وجہ سے بائیں ہاتھ سے کھانا کھاتی ہوں اور جب کبھی کھانا کھانے کی تصاویر یا ویڈیوز سوشل میڈیا پر شیئر کروں تو لوگ مجھے گالیاں دیتے ہیں۔
اداکارہ نے بتایا کہ سوشل میڈیا ٹرولنگ کی وجہ سے ان کے بچے بھی پریشان آگئے ہیں اور انہیں ہاتھ جوڑ کر کہتے ہیں ’آئندہ سوشل میڈیا پر کھانے کی تصاویر شیئر نہ کیا کریں‘۔
واضح رہے کہ نادیہ جمیل میں سال 2020 کے آغاز میں موذی مرض بریسٹ کینسر(چھاتی کا سرطان) کی تشخیص ہوئی تھی، تاہم کئی ماہ زیر علاج رہیں اور انہوں نے اس بیماری کا ہمت سے مقابلہ کیا اور اسے شکست بھی دی۔
