The news is by your side.

Advertisement

نئے انتظامی صوبوں کا قیام ناگزیر ہوچکا، ندیم نصرت

لندن : متحدہ قومی موومنٹ کے کنویئنر ندیم نصرت نے کہا ہے کہ پاکستان میں نئے انتظامی صوبوں کا قیام اب ناگزیر ہوچکا، رمضان کے بعد ایم کیو ایم ملک میں نئے صوبوں بالخصوص سندھ میں شہری صوبہے کے قیام کے لیے اپنی جدوجہد تیز کر دے گی۔

انہوں نے یہ بات پرتگال میں کارکنوں سے ٹیلیفون پر خطاب کرتے ہوئے کہی۔ ان کا کہنا تھا کہ وہ افراد جنہیں کرپشن میں ملوث ہونے کی بنا پر نکال دیا گیا تھا آج وہ ایم کیوایم کو اخلاقیات کا درس دیتے ہوئے طرح طرح کی جھوٹے الزامات کا پہاڑ کھڑا کر رہے ہیں۔

اس موقع پرانہوں نے پرتگال یونٹ کے باقاعدہ قیام کااعلان بھی کیا ۔ندیم نصرت نے کہا کہ ایم کیوایم اپنے قیام کے اول روز سے کرپشن اور ملک میں رائج دہرے نظام کے خلاف ہے اور آج ایم کیوایم اپنے منشور پر ڈٹے رہنے کی سزا کاٹ رہی ہے وہ افراد جنہیں کرپشن میں ملوث ہونے کی بنا پر نکال دیا گیا تھا آج وہ ایم کیوایم کو اخلاقیات کا درس دیتے ہوئے طرح طرح کی جھوٹے الزامات کا پہاڑ کھڑ ا کر رہے ہی۔

ندیم نصرت نے کہا کہ مسلسل ناانصافیوں، حق تلفیوں اورمظالم کے باعث مہاجروں میں پائے جانے والے احساس محرومی میں مسلسل اضافہ ہورہاہے ۔

ارباب اختیارکواس احساس محرومی کے خاتمہ کے لیے اقدامات کرنے ہوں گے اورمہاجروں کے خلاف ظالمانہ اقدامات بند کرنے ہوں گے۔

ندیم نصرت نے کہا کہ بیرونی ممالک میں مقیم ایم کیوایم کے کارکنان اور ہمدرد پاکستان کے حالات پر اپنی نظر رکھیں اور ایم کیوایم کے خلاف ہونے والے ہر ایک غیر آئینی اقدامات پر اپنا احتجاج بلند کرتے ہوئے اپنی قوم کو احساس دلائیں کہ وہ تنہا نہیں ہیں۔

اگر ان کی آواز پاکستان میں نہیں سنی جارہی ہے یا ان کی داد رسی کے لیے کوئی بھی سیاسی و مذہبی جماعت یا ادارہ اگر آگے نہیں آرہا ہے تو بیرون ممالک میں مقیم ایم کیو ایم کے کارکنان اپنے مظلوم ساتھیوں اور قوم کی آواز بنیں۔

Print Friendly, PDF & Email

Comments

comments

یہ بھی پڑھیں