The news is by your side.

Advertisement

نادرا نے 5 کروڑ 9 لاکھ بچوں کو رجسٹر کر لیا

‏کراچی: نادرا نے 5 کروڑ سے زائد بچوں کو رجسٹر کر لیا۔

تفصیلات کے مطابق نیشنل ڈیٹا بیس اینڈ رجسٹریشن اتھارٹی (نادرا) نے ملک کے 5 کروڑ 9 لاکھ 52 ہزار 898 بچوں کو رجسٹر کر لیا ہے۔

ترجمان نادرا کا کہنا ہے کہ غیر رجسٹرڈ بچوں کو رجسٹر کرنے کے لیے نادرا نے 48 موبائل رجسٹریشن وین تعینات کی ہیں، اب تک 2 ہزار 524 یتیم بچوں کو بھی رجسٹر کیا جا چکا ہے۔

نادرا ترجمان نے بتایا کہ 160 یتیم بچے جن کے والدین کا معلوم نہیں، ان کو بھی حال ہی میں رجسٹر کر لیا گیا ہے۔ نادرا قدم بہ قدم شمولیتی رجسٹریشن کی طرف بڑھ رہا ہے، اور یہ اس سلسلے میں ایک اہم قدم ہے۔

واضح رہے کہ نادرانے ملک میں یتیم بچوں کی رجسٹریشن کے لیے ایک پروگرام شروع کیا ہے، اس سلسلے میں گزشتہ روز ایس او ایس ولیج کا دورہ کیا گیا تھا جہاں موجود بچوں کی رجسٹریشن کی گئی اور 18 سال سے زائد عمر کے بچوں کو شناختی کارڈ جاری کیا گیا۔

نادرا حکام کا کہنا ہے کہ رواں سال یتیم خانوں میں رہائش پذیر تمام بچوں کی رجسٹریشن مکمل کر لی جائے گی، یہ قدم یتیم بچوں یا ان لوگوں کی سہولت کے لیے اٹھایا گیا ہے جن کے والدین علیحدگی اختیار کر چکے ہیں۔

Comments

یہ بھی پڑھیں