کراچی: نیگلیریا سے متاثرہ 17 سال کا لڑکا انتقال کرگیا، بیماری میں مبتلا علی رضا کو دو دن قبل ہی اسپتال میں داخل کرایا گیا تھا۔
محکمہ صحت سندھ نے بتایا کہ نیگلیریا کے سبب 17 سالہ علی رضا کا انتقال ہوا، نوجوان علی رضا کو 26جون کو نجی اسپتال میں داخل کرایا گیا، متاثرہ نوجوان کو 25 جون کو علامات محسوس ہوئی تھیں۔
اموات سے متعلق محکمہ صحت سندھ نے مزید بتایا کہ نیگلیریا کی وجہ سے رواں سال اب تک 4 افراد انتقال کرچکے ہیں۔
دماغ کھانے والا نیگلیریا کس طرح حملہ آور ہوتا ہے؟
نگلیریا وائرس کیا ہے؟
نگلیریا ایک ایسا امیبا ہے، جو اگر ناک کے ذریعے جسم میں داخل ہوجائے تو دماغ کو پوری طرح چاٹ جاتا ہے، جس سے انسان کی موت واقع ہوجاتی ہے، یہ عموماً گرم پانی میں تیزی سے پرورش پاتا ہے۔
یہ وائرس عموماً سوئمنگ پولز، تالاب سمیت ٹینکوں میں موجود ایسے پانی میں پیدا ہوتا ہے، جس میں کلورین کی مقدار کم ہوتی ہے، شدید گرمی بھی نگلیریا کی افزائش کا سبب بنتی ہے۔
طبی ماہرین ’نگلیریا‘ کو خاموش قاتل قرار دیتے ہیں کیونکہ اس نے اب تک دنیا میں ہزاروں افراد کو ابدی نیند سلادیا ہے.
علامات
یہ ایک خطرناک وائرس ہے، جو ناک کے ذریعے دماغ میں داخل ہوجاتا ہے اور دماغ متاثر کرنا شروع کردیتا ہے، اس کی علاماتیں سات دن میں ظاہر ہوتی ہے، جو گردن توڑ بخار سے ملتی جلتی ہیں، سرمیں تیز درد ہونا، الٹیاں یا متلی آنا ، گردن اکڑ جانا اور جسم میں جھٹکے لگنا اس کی واضح علامات ہیں
انسانی دماغ کھا جانے والے ’نیگلیریا‘ امیبا کی پانی میں موجودگی
