The news is by your side.

Advertisement

فائنل لاہور میں‌ ہونا پاکستان کی انا کا مسئلہ بن گیا ہے، نجم سیٹھی

لاہور: پی ایس ایل کے چیئرمین نجم سیٹھی نے کہا ہے کہ پی ایس ایل لاہور میں کرانا پاکستان کی انا کا مسئلہ بن گیا ہے، ہم فائنل لاہور میں کراکر ہی دم لیں گے اور ہماری پوری کوشش ہے کہ غیر ملکی کھلاڑی بھی آئیں۔


اے آر وائی نیوز سے ٹیلی فونک بات چیت کرتے ہوئے چیئرمین پی ایس ایل نجم سیٹھی نے کہا ہے کہ مجھے امید تھی کہ پاکستانی عوام پی ایس ایل کا فائنل لاہور میں کرانے پرزور دیں گے، ہم زندہ دل لوگ ہیں جو ڈرنے والے نہیں،میری پہلی دن سے کوشش یہی تھی،اب تو یہ پاکستان کی انا کی بات بن گئی ہے، یہ پی ایس ایل نہیں یہ پاکستان کی بات ہے۔

ان کا کہنا تھا کہ پرامن پاکستان ایک حقیقت ہے،اس لیے میں سمجھتا ہوں کہ ہم پاکستان کی حمایت کریں گے ان کے ساتھ کھڑے ہوں گے اور فائنل لاہور میں کرائیں، عنقریب لاہور کا اسٹیڈیم آباد ہوگا، 25 ہزار لوگ اندر ہوں گے اور دولاکھ لوگ اسٹیڈیم کے باہر بھی موجود ہوں گے۔

ایک سوال پر انہوں نے کہا کہ میں اے آر وائی نیوز کی جانب سے عوامی آرا پر مبنی سروے پر خوش ہوں جس میں لوگوں نے کھل کر اپنی رائے کا اظہار کیا کہ فائنل لاہور میں ہی ہونا چاہیے چاہے کچھ بھی ہو ہمیں ہار نہیں ماننا چاہیے۔

ان کا کہنا تھا کہاب بھی چند لوگ ہیں جو پاکستان پر یقین نہیں رکھتے جو پاکستانی عوام کو نہیں پہچانتے اور ہماری نیت پر یقین نہیں رکھتے۔
ان کا مزید کہنا تھا کہ ہماری پوری کوشش ہے کہ غیر ملکی کھلاڑیوں کو ہم اب بھی لاہو ر لے کر آئیں گے۔

Print Friendly, PDF & Email

Comments

comments

یہ بھی پڑھیں