تازہ ترین

ایرانی صدر کی مزار اقبال پر حاضری، پھول چڑھائے اور فاتحہ خوانی کی

لاہور: ایران کے صدر ابراہیم رئیسی کی لاہور آمد...

پاک ایران سرحد پر باہمی رابطے مضبوط کرنے کی ضرورت ہے، آرمی چیف

راولپنڈی: آرمی چیف جنرل عاصم منیر کا کہنا ہے...

پی ٹی آئی دورِحکومت کی کابینہ ارکان کے نام ای سی ایل سے خارج

وفاقی حکومت نے پی ٹی آئی دورِحکومت کی وفاقی...

وزیراعظم شہباز شریف کی کابینہ میں کون کون شامل ہوگا ؟ بڑے نام سامنے آگئے

اسلام آباد : وزیراعظم شہباز شریف کی وفاقی کابینہ میں شامل ہونے والوں کے ممکنہ نام سامنے آگئے، اسحاق ڈار ، مصدق ملک اور نجی بینک کے چیف ایگزیکٹومحمداورنگزیب وزیر خزانہ کی دوڑ میں شامل ہیں۔

تفصیلات کے مطابق وزیراعظم شہباز شریف کی وفاقی کابینہ کی تشکیل پر مشاورت جاری ‌ہے، وزارت خزانہ کے اہم منصب کے لیے اسحاق ڈار پھر ریس میں شامل ہیں جبکہ ان کے علاوہ مصدق ملک اور نجی بینک کےچیف ایگزیکٹومحمداورنگزیب بھی وزیر خزانہ کی دوڑ میں شامل ہیں۔

ذرائعنے بتایا کہ حتمی فیصلہ تمام اسٹیک ہولڈرز کو اعتماد میں لیکر کیا جائے گا اور اتحادیوں کو بھی وفاقی کابینہ کے پہلے مرحلے میں شامل کیا جائے گا۔

ذرائع کا کہنا ہے کہ استحکام پاکستان پارٹی کے عبد العلیم خان کو بھی اہم وزارت دی جائے گی اور ق لیگ کے طارق بشیر چیمہ اور سالک حسین بھی کابینہ کا حصہ ہوں گے۔

ذرائع کے مطابق ایم کیو ایم نے ابھی تک کابینہ میں شمولیت پر رضا مندی ظاہر نہیں کی، ایم کیو ایم اس حوالے سے اپنی رابطہ کمیٹی سےمنظوری لے گی۔

ذرائع نے کہا کہ احد چیمہ اور فواد حسن فواد کو مشیر بنائے جانے کا امکان ہے ، جہانزیب خان ایک بار پھر معاون خصوصی ہوں گے جبکہ باپ کے خالد مگسی کو بھی وزارت ملنے کا امکان ہے۔

ذرائع نے مزید بتایا ہے کہ احسن اقبال کو منصوبہ بندی وترقی کی وزارت نہ ملنےکا امکان ہے اور رانا ثنااللہ کو بھی مشیر بنانے پر غور کیا جارہا ہے، تاہم وفاقی کابینہ آصف زرداری کے صدر بننے کے بعد حلف اٹھائے گی۔

Comments

- Advertisement -