واشنگٹن: نینسی پلوسی آج تائیوان پہنچیں گی، دورے سے متعلق تائیوانی وزارت خارجہ نے تبصرے سے انکار کر دیا ہے۔
تفصیلات کے مطابق امریکی ایوان نمائندگان کی اسپیکر نینسی پلوسی 4 ایشیائی ممالک کے دورے پر آج تائیوان پہنچیں گی، اور کل صبح تائیوان کی پارلیمنٹ کا دورہ کریں گی۔
تائیوانی وزارتِ خارجہ نے میڈیا کے استفسار پر کہا کہ نینسی پلوسی کی سفری منصوبے پر کوئی تبصرہ نہیں کر سکتے۔
کیا امریکا اور چین میں بھی جنگ چھڑنے والی ہے؟
دوسری طرف ترجمان چینی دفترِ خارجہ ژاؤ لیژان کا کہنا ہے کہ نینسی پلوسی کا دورہ تائیوان کی خود مختاری کو چیلنج کرتا ہے، اور ایسی صورت میں چین کی طرف سے سخت ردِ عمل کا سامنا کرنا پڑے گا۔
Our delegation met with Singapore’s Senior Minister Teo Chee Hean.
In our meeting, our Members saluted Singapore’s commitment to a free & open Indo-Pacific & advancing security & stability in the region. We also learned about Singapore’s efforts to address the climate crisis. pic.twitter.com/bhLoqrEtjw
— Nancy Pelosi (@SpeakerPelosi) August 1, 2022
اس سے قبل چین نے امریکا کو خبردار کرتے ہوئے کہا تھا کہ اگر امریکی ایوان نمائندگان کی اسپیکر نینسی پلوسی نے تائیوان کا دورہ کیا تو یہ خوفناک سیاسی اثرات کا سبب بنے گا۔
واضح رہے کہ نینسی پلوسی گزشتہ روز سنگاپور پہنچی تھیں، امریکا نے چین کو خبردار کیا ہے کہ نینسی پلوسی کے دورے کو بحران میں بدلنے سے باز رہے۔
