The news is by your side.

Advertisement

آسٹریلین اوپن کا ٹائٹل ناؤمی اوساکا نے جیت لیا

سڈنی: آسٹریلین اوپن ویمنز سنگلز کا ٹائٹل جاپان کی ناؤمی اوساکا نے جیت لیا۔

تفصیلات کے مطابق آسٹریلین اوپن ٹینس ٹورنامنٹ کے فائنل میں جاپان کی ناؤمی اوساکا نے امریکی کھلاڑی جنیفر بریڈی کو شکست دے کر دوسری مرتبہ ٹائٹل اپنے نام کرلیا۔

جاپان کی ناؤمی اوساکا نے فائنل میں امریکی کھلاڑی کو اسٹریٹ سیٹس 6-3 اور 4-6 سے شکست دے کر کامیابی حاصل کی۔

رینکنگ میں تیسرے نمبر پر موجود ناؤمی نے 22ویں پوزیشن کی جنیفر براڈی کو ایک گھنٹہ 17 منٹ میں شکست دی۔

جاپانی ٹینس اسٹار نے سیمی فائنل میں امریکی ٹینس اسٹار سرینا ولیمز کو شکست دے کر فائنل میں جگہ بنائی تھی۔

واضح رہے کہ ناؤمی اوساکا کا یہ چوتھا گرینڈ سلیم ٹائٹل ہے جبکہ دوسری مرتبہ انہوں آسٹریلین اوپن کا ٹائٹل اپنے نام کیا ہے۔

اس سے قبل ناؤمی نے 2019 میں بھی آسٹریلین اوپن جیتا تھا، ناؤمی نے 2018 اور 2020 میں یوایس اوپن کا ٹائٹل جیتا تھا۔

Comments

یہ بھی پڑھیں